( مرثيه #برزة_شعراء_صور في الشاعر المرحوم فقيد الوطن حمد الخروصي الله يرحمه ويغفر له ويطيب الله ثراه )
( خالد الجنيبي ابو المغيره )
قالوا رحل..نجمه أفل.. أرضَ تبكيه !!
شعرك حمد..ضحْكتك..حبك..حنانك
نرثيك !! نرثي الشعر !! والحب نرثيه
يـــالله يــعظم أجر صبر (ن) عشانك
( خليفه الصائغ )
جينا نواسي ... والشعر من يواسيه
فارغ مكانك ..من هو يجلس مكانك !
وانته ... كليم الشعر ...سيد قوافيه
وقصائدك تبقى .... وتبكي عمانك
( خالد مهوس العريمي )
حارت.. معي الاشعار حارت معانيه
واحساسها يبكي ... ويرثي زمانك
انته ملاذ الفكر .... وانته موانيه
الله بالأخلاق .... والطيب زانك
( سعيد المشرفي )
يا واحدٍ لو غاب ما غاب طاريه
تبقى على الاشعار بصمة بنانك
الموت هيّن والبلا ويش يتليه
يالله بعفوك والنعيم وجنانك
( حمود الفارسي ابو صالح )
يا نهر قط مايوم جفت مجارييه
يا بحر بالإحساس مالي خزانك
بعدك مصاب الشعر منهو يدارييه
دامه لسان الشعر أصلا لسانك
( نبهان السلطي )
رحت وجميلك ما لحقنا نوفّيه
يا بو (سما) سابَق أوانك أوانك
لو لـ لبن آدم عالمنيّه مشــاريه
عاتبتها لين ارجعتك لـ خوانك
( عمر مريود )
وفيت و توفيت من غير تنبيه
كريم حتى فموتك!! الله لا هانك
قالوا (يتيم وبالبكاء لا توصيه)
ويا شعر صلي صبر والله أعانك
