في لحظة ن صاح الفكر هل من مجيب ؟
ولي جاوبت صوت " العروش الخاويه " !
ومن .. مبدا التفكير .. والفعل الصويب
فكرت .. وحروف سقطت .. متهاويه
وبحت حناجر .. واستفزت .. ما تجيب ؟!
ما غير .. اصوات ..و معاني .. هاويه
وما كل غريب يكون .. ف الواقع اديب
وبعض المعاني ف الخفى " متغاويه "
ولا جاء كرم " حاتم " ولا عزة " كليب "
بل هو دها " عمرو " ، ذكا " معاويه "
والطيب .. يبقى طيب .. لو ماله نصيب
ما .. يندثر وسط .. " النفوس الغاويه "
وما .. دامها تركض بلا .. " عتيد ورقيب "
وضاقت ..! صراحتها ف .. اكبر حاويه
خليني .. اكتبها قصيده .. بلا حسيب
يمكن .. تجملني .. وتطلع .. " غاويه "
وطرزتها ... باحساس واعي .. دون ريب
وجملتها ... من كل صوب .. وزاويه
ومضمونها فكر ن من احساسه يشيب
قلب القصيد .. وقلب كل من راويه
في لحظة ن صاح الفكر هل من مجيب ؟
وما جاوبت .. إلا " العروش الخاويه " !
#خليفه_الصائغ26/10/2015
