ما دام إنتي .. ! أكثري فيني سهر
عادي .. ولو كلك شغب بكِ ارتوي
لكِ فوضوي من يوم رحتِ بلا عذر
واعيش فـ ابيات القصيد الفوضوي
إزعاج.. ساكني فـ ليلي / والسمر
في ارصفة ظلم الشوارع منزوي
لو عمت الفوضى معا ريحكِ شعر
كل الشطور الوافيه.. عطر تحوي
وتعزف لك الذكرى بنغمات الفخر
لي روعة إيقاعه على القلب يدوي..؟
ولما عتيم الحب يسحبه الفجر
تنبض من الفرحه قلوبٍ تشتوي
هو عادي تعطين الامل لفتة نظر.. !
او تجزلين النفس حبٍ .. نخبوي
لو تزعجي كل المشاعر ، لكِ تفر ؛
من واقع اللآشي للدرب السوي..
ايوه .. اكتبيني آه يا وجه القمر..
الآه .. في عرفي لها معنى قوي..
صح فوضوي أدري مشاغب /والمطر
من رثمته مدي كفوفكِ .. وارتوي..
وكلكِ تعالي شوق لين أخر ممر..
علقت لكِ صورة قلب جرحه طوي
وما دام انتي أكثري فيني سهر
ثم عيشي يا حبي جروح الفوضوي
#خليفه_الصائغ
