*غازي*
يا تاج فخرٍ معتلي في راس صور
تستاهلي أجزل قصيد وقافيه
لك شمعةٍ .. ترسل إلينا نور .. نور
فـ خدمة ولايتنا العزيزه وافيه
نقشتِ اسمك بالفعل وسط الصدور
فـ وسط القلوب الوافيه والصافيه
فـ البنيه التحتيه لك في صور دور
واضح نشوفه ما علينا خافيه
" الغاز " يا ام الولايه لك حضور
ما بين اضلاع الصدور الدافيه
حرف الشعر في غازّي الليله شكور
صادق فـ احساسه معاني شافيه
" مركز ثقافي " لـ جل كل صوري غيور
ودنا نشوفه بس هذي كافيه
من منبر الابداع قيفاني .. تثور
كلها ثنا ، فـ بحر الحداء، هي طافيه
يا تاج فخرٍ معتلي في راس صور
فـ خدمة ولايتنا العزيزه وافيه
" غازّي " كل حرفٍ تعلق بك فخور
تستاهلي أجزل .. قصيد وقافيه
" غازّي " كل حرفٍ نطق اسمك فخور
تستاهلي أجزل .. قصيد وقافيه
خليفه الصائغ
الجمعه 2/6/2017
