كنده ومذحج

يا مملكة كنده ومذحج قبل مـ تهل المزون
استحضرك فـ ام المعارك قبل خوض المعمعه

عشان لا هلت تهل حسب المشاعر والضنون
لا تكون شروات الشوائب في ارض متجمعه

ولـ تكون لي فرعون لكن كون لي بالله عون
وجيش اليماني ما نهابه لو يجينا بتبعه

من قبل بن يكرب يشد السيف من غمد الجنون
شديت سيف الشعر وتروس القوافي ملمعه

ودخلت بـ خيولٍ دهم فرسانها ما جات دون
هي تفرض التاريخ في راس المجد وتسنعه

من هو جهل بنأ على كل القمم راس وعيون
وجبيننا واحد ،،،، وواضح دون أية اقنعه

واعلامنا رفت على شم الجبال ، ولا تهون
ومن قبل بن ياسر اللين اليوم راسي ارفعه

مـ ينزل الرجال راسـه دام له لابه تكون
شرواتكم يا حزامنا  والاسم قلنا فـ مطلعه

يا مملكة كنده ومذحج قبل مـ تهل المزون
استحضرك فـ ام المعارك قبل خوض المعمعه

خليفه الصائغ

العيجه

(لو كان يالعيجه مـ حاونك بحر
فيك الجواهر والقروش مصففه)

بيت الشعر وافي باحساس وفكر
بعطر المعاني شامخه ومتلطفه 

من قال شاعرها ف قوله منسحر ؛
قلبي، تولع من عذوبة احرفه

يا كوس هبي صوبها نثري شعر
دام المشاعر كلها  ... متوووولفه

اجلس على خور البطح مد النظر
نحو البيوت الفاضله متشرفه

في شاطيً اصفر مثل لون التبر
وهيه كنه احجارً كريمه مصنفه

وصحيح إن التبر أجوائه  عطر
يا قبلة الراحه العزيزه مووصفه

بانك عروس الدار ،، وترابك درر
وفي بحرك الوافي صواري موقفه

والحين يالعيجه ما حاونك بحر
بعد الجسر، دمتي كريمه معففه

خليفه الصائغ 2017

ليش احبك

ليش احبك تقولي ! صعبه أني ارد !
وافين لك، تعالي أشبعي هالحنين

ما تعب من نواحه كل نبضه شهد
اكسجينه، كرات الدم ، عرق الوتين

فاللقاء يرتفع لك ،،،، فالهجر ينخمد
يا حياته يا عمره يا صبر  هالسنين

ياعطور المحب وقلب كل من قصد
يا زمرد يا لولو يا الذهب يا اللجين

ويا قلب صايغٍ جالس هنا .. منفرد
في شعوره واحاسيس البرءاه تبين

ياموسيقة قصيدي غير عزفك محد
عازفني ،، بشعر وشوق لك دوزنيين

المشاعر  ... محبه تختصر  لك بلد
والمهم ، تو عرفتي بان حبك يزين

صدر من هو كلامك كل جمره وقد
لين روح القصيده صاااااح آه وآنين

عايشن في بحوور الحب جزرٍ ومد
بس عطفي عليه وانقذي وش تبين

فوضوي لي حياتي، اعشقيني، بعد؛
اغنمي عرش قلبي، فالعشق وافيين

مدرسه صااايغيه فـيها وجد و سعد
ما تخرج خيااانه ، تنبذ الخااااينين

لا تعيدي سؤالك صعبه أني ارد ؟!
في سطوره عذابٍ وأنتي عطر الحنين

خليفه الصائغ

النازفه

النازفه

كل الجوارح تعطي الجرح القديم
نفس العلم من دون ذنب وسالفه

لذاااااااااك بلل هـ الورق دمع اليتيم
حتى بكت عين القصيد النازفه

ويات القصيده وانت شلها " ياغريم "
باحساسك الراقي وحروفٍ وارفه

من قالوا الشاااعر فـ كل وادي يهيم
همنا ، وسؤ الظن سوووى مخالفه

تكرم رجولي مـ سلكت درب الغشيم
ودرب الغشااامه للوجوه الزايفه

امشي على حد الصراااط المستقيم
طوويل بال ، أخلاق نفسي نايفه

باب المزح يا صااح " والله العظيم "
أنا أعشقه  بـ طيب قلبٍ  عارفه

وآنا شعووور العشق في قلبي مقيم
من يوم ما شلو لي قلبي " مشارفه "

خلوا السعاده تجلي ،، الملح الذميم
وتجلي الهموم اللي فـ صدري طايفه

والحين، لا تنشد عن "الجرح القديم"
وخل القصيد يفوووح سر السالفه

خليفه الصائغ 24/9/2017

امنياتي

أمنيااتي ،،
وكل قفزااات الخيال
والشعور اللى ربى من ربنا

أخمرن راس القصيده واستمال
حرفها والشوووق جمر قلبنا

ليت قلب الحب يفتح لي مجال
كان بعزف له موسيقة حبنا

والحنان اللي سكن صدري وجال
هد عرشه من بعد تعب البنا

يا حمامات المحبه  .. والوصال
أرشدينااا  ،،، حنا خارج سربنا

لا .. تخليناااا  ف ليالينا الطوال
اخاف لا وجه الهجر يخلي بنا

عيدنا روح خذيني راس مال
عل ينبت زهر يخضر دربنا

لا تخافي..!
اسمعي هـ النبض قال ؛
حبنا الطاهر  .. إرادة ربنا.

خليفه الصائغ