مرت على باب الامل تشبه الذوق
متكشخه ، روعة جمال ولطافه
واحساسها صاير كذا يطلع لفوق
عالي فـ منسوبه وزايد ثقافه
شروات عود الخام في حزت ريوق
اول صباح بـ كوب شاي الضيافه
يسمو الى القمه وله عطر مرموق
ويصاحب الهندام بازكى نفافه
واما انا موجود في شرفة الشوق
اتنفس الاعجاب وازرع ضفافه
وإذا انبتت اشعار افكارها عذوق
اقطف لها فكرة عشق لا كلافه
حتى الجمال فـ شكلها جاب منطوق:
لا اشتكي سمنه ولا بي نحافه
مرت .. على باب الامل كلها ذوق
متكشخه .. كلها جمال ولطافه
خليفه الصائغ
