عادي أقول إنك أنا

عادي ..

عادي .. اقول إنك انا؟!
ولا اقول إنك حياه
عادي .. إذا محتاجلك ؟!
اتنفسك!
واصنع من انفاسك قلب ♥
ينبض حنان.
في كل مكان..
في داخلي  .. يا داخلي..

اجيك بالوان الفرح..
وافتح درايش حبنا..
واطل،
اطل مثل الشمس في اول صباح
ولو صار حب..
برتاح!
.
يا ذاكرة عطر المكان

لا اتصدقي " ليلة ألم "
ولا اعتذارات الوهم

جرح الهوى ماله دواء
إلا ابتسامة وجهك..
وروعة حضور الحب فيك..

لكن هنا ❤️ حبك وانا
                نروي عروق الذاكره

عشان ... لو ازهر  شعر..
                يثمر احساسك عشق ،،

وانا اسالك 🙄

#عادي_اقول_انك_انا 🌹

🤓

يا قمر

يا سيدة عصر التطووور ، يا قمر
ي محفزه حرف الشعر برتوشها

طال الفراق ويات اهات الهجر
وشفت المعاني خاويات عروشها

سكانها كانوا هنا ❤️ غرفة حجر
كنها اليدين اللي تضم قروشها

ما تنبسط وقت العطا حتى شبر
بس العشق يبني عليها عشوشها

احساسها من رقته مثل المطر
لا هو حضر يخفي جميع خدوشها

وايضا نعيمة عود ما تشكي قصر
يكشخ عليها بأآي لون " كلوشها "

عز ونصر، روعة خصر، تجذب بصر
زايد حلاوة وجهها ببشوشها

عيونها تجذب نظر كل من حضر
ودموعها مثل الندى ف رموشها

في كرنفال الحب لك كيكة عمر
حلوه "بجلاكسيها" "وماكنتوشها"

عجيب هالاحساس يأتيني فجر
وتزحف باحلام القصيد جيوشها

تسحب مع خيوط الشمس كل الشعر
وهاذي قصيدة زخرفي برتوشها

يا غايبه ،، قلب العشق فوق الجمر
عطفي عليه امن الدنا ووحوشها

خليفه الصائغ٢٠١٩