الشووق انفاسه تهيض لي الترح
من تحرق أضلاعه لآهايب وقيدك
قل التواصل يقتل فصدري الفرح
ثم يقبر احساسه مـ يرحم فقيدك
صار الفعل واضح وملزوم لطرح
" تحصيل حاصل " ما يقلل رصيدك
من عطرك ِالراقي وأسلوبكِ المرح
يلهث قصيدي ،،، نبض قلبه يريدك
قفيت وجه الحزن ،، واقبلت لسرح
أحرف سعاده .. بالسعاده تزيدك
ما صار قلبي ينزف الملح مالجرح !
ينزف عسل ما دام جرحه من إيدك
البيت 👆 هذا ماهو محتاج لشرح
بانت تفاصيله .... وجرحي يفيدك
خليفه الصائغ 23/8/2016
البارحه كنا على مضرب رماح
واليوم نتبادل جروح القريحه
ننزف حزن ، ننزف فرح كل إصلاح
إن جاء لذات البين قبل الفضيحه
قصة ورد مليان من .. حب ومزاح
في باقة الاحساس كانت طريحه
شرواة حبٍ غااااازي القلب م راح
مع طيف خله والموارد شحيحه
يلبس ثيابه عشق ونقاب لو طاح
جابت مسنات الخناجر ضريحه
الحب اسهم له .. خساير وارباح
إن مرتفع سهمك ضروري تزيحه
رغم اليباس اللي على الحب مجتاح
اضحك وقمة حزن وجهي تبيحه
دورت في جيب الموازين .. مفتاح
مشتاق بابٍ سد في وجه ريحه
في داخلي أضداد .. والقلب لواح
تموت ف احساسي شريحه شريحه
مسباح ف يديني وف يديك مسباح
ديكور في وجه الحياه الصحيحه
#خليفه_الصايغ_2016
في مقام ٍأرتقي أعلى مقام
صافح الطيبه وقبل خشمها
ولابة ٍبالعزم تجلي كل ظلام
لا تواريها .. وتثور دمها
للكرامه تنتخي رجال ٍكرام
لي تخل ِالمال أخر همها
ما تقرب يدها مال الحرام
ولا تعرفه... ولا تنومه يمها
دوم كلمتها شرا سيف ٍهذام
تفصل الهريه لحمها وعظمها
يحترمها من كرمها الاحترام
ما تضم الحق داخل فمها
مـ أتراجع للوراء بعد الكلام
كـ الرصاص لن زم وافي زمها
لابة ٍتجعلها لك ظهر وحزام
تصعد القمه بنتائج حزمها
بينها وبين الوغى حب وغرام
ضمة التاريخ وأيضا ضمها
في ذرى صور العفيه باهتمام؛
صفق التاريخ يفخر بأسمها
شامخ ٍصاريها ف حضن الغمام
ودايما ًفالعز الاول رقمها
#خليفه_الصائغ_2016
يا صبح وافي مع الوافين
دايما ولا يبدل احسانه
للانسنه سايق احساسين
ابيض .. واسود .. فالوانه
ويلي يبا يبين أو مـ يبين
لأبد .. بتنفت .. رمانه
و علوم تاهت مع التايهين
وأخبار .. للعلم عطشانه
وأبيات شعر ٍتدّور وين ؟
والقاف تطرق له اوزانه
الأسئلة أدور لين الحين !
والأجوبه ..شوف حيرانه
ثقل ٍ مخلاي له مسكين !
مـ لحى خفيه من اوطانه !
ومتعب الشك والتخمين؟
ونفوس وعقول .. تعبانه
قول ٍ اخليه ... فالقوسين
( ما يكسر أبليس وعيانه )
ارمي قناعك بلا .. تلوين
إلا ... اذا كان ... عمرانه
عن .. نفتح الدرب للفتين
ولا .. نقدر أنصك بيبانه
خراب مالطا ترى مـ سنين
وللحين فالقول ... خربانه
#خليفه_الصائغ_2016
عن يقولوا الشعر من بعدك ِنزل
مستواه ! وصابه الجني عزوف !
يالحليله .. إسعفيني .. بالجزل
واهطليني شعر اصفى من تنوف
حول منهم شوق إحساسه اختزل
ذكريات ٍوافيه .. بارقى الصنوف
ليت .. قلبك ِ يسمح اعزف له غزل
كان بعزف دون شك ودون خوف
كاف قلب سنين في .. غرفة عزل
لا يروح ، ولا يذوق ، ولا يشوف
وينتمي للقو ... ويعاف الهزل
يستقي بالطيب من نبع الحروف
من رياض الشعر بغزل لك ِ غزل
خارزه من حب في اقسى ظروف
ذكركم في صدر من ماضي الازل
والمشاعر جند توقف لك ِ وقوف
قافل ٍ.. بيبانه ف .. وجه النَزَلَ
حرج جوف ٍعن وصل ضل ٍوحوف
وعن يزل ... وما يَعَرف انه يزل
كافينه .. الشوف دامه ما يلوف
اشبعيني وجد ... كافيني هزل
مزحك ِ إنتي فالقلب رافض يطوف
لي يقولوا الشعر من بعدكِ نزل
هاك جني الشعر مع قافي ينوف
#خليفه_الصائغ_2016
