البارحه كنا على مضرب رماح
واليوم نتبادل جروح القريحه
ننزف حزن ، ننزف فرح كل إصلاح
إن جاء لذات البين قبل الفضيحه
قصة ورد مليان من .. حب ومزاح
في باقة الاحساس كانت طريحه
شرواة حبٍ غااااازي القلب م راح
مع طيف خله والموارد شحيحه
يلبس ثيابه عشق ونقاب لو طاح
جابت مسنات الخناجر ضريحه
الحب اسهم له .. خساير وارباح
إن مرتفع سهمك ضروري تزيحه
رغم اليباس اللي على الحب مجتاح
اضحك وقمة حزن وجهي تبيحه
دورت في جيب الموازين .. مفتاح
مشتاق بابٍ سد في وجه ريحه
في داخلي أضداد .. والقلب لواح
تموت ف احساسي شريحه شريحه
مسباح ف يديني وف يديك مسباح
ديكور في وجه الحياه الصحيحه
#خليفه_الصايغ_2016
ليست هناك تعليقات:
إرسال تعليق