إنزعيني!!

إنزعيني..!

من ضميركِ..
ما ابي شركِ وخيركِ..

من رحلتي.. وآنا غيمه..
جودها عم المدينه..
انزعي قلبي وروحي..
في امان الله.. روحي..
اتركيني مع جروحي..

اكتبي ف جدار صبري انت بادي!
واكتبي في كل جدران القلوب

إيه عادي.. !
لا أتاسف لي وتنادي..
كنت ضوء القلب شمعه مـ تذوب

طار طيركَ..
عشكَ الماضي لغيركَ..
" كانت الرحله " سعيده..

إنزعي وجه العشق من صار عادي
مسكن وحوش الفتن من كل صوب

وإنزعيني....
قلبي المجروح غادي؛
من..
جروحكِ يلبس احساسه كروووووب

#خليفه_الصائغ 26/3/2017

وجه التعب

*وجه التعب*

احصدي من وجهي آهاااات وتعب..
واكتبي اي شي فيني،، وامسحين

اتفقنا نمسح... ظروف وعتب..
من عيونكِ او عيوني من سنين!

ليش نترك للعواذل اي سبب؟!
ونقطف النظره من الوجه الحزين

بعد ما جيتكِ مثل ريح وسحب
أمهليني أمطر الحب اليقين

يمكن أنبت وسط أروقة القلب
من زهور الحُب ورد وياسمين

وتثمر الأشعار من تين وعنب
وتصبح الأوراق كلها من حنين

احصدي اي شي سوى " وجه التعب! "
هو توارى من طعون الاخرين!

خليفه الصائغ

صرير المراجيح

صرير المراجيح

مـ تصَدّع العزه صرير المراجيح
مرجح حروفك في براح الحواري

لو صك باب الضيق عندي مفاتيح
من فكته بتشوف للصبر ذاري

دنياي روعه بس تحتاج  توضيح 
واعرف افرق بين توفير ، جاري

والناس يلي تشبه الهم مـ تسيح 
احسن تطنشها ولا تجيب " طاري "

الشوق سربالي وطيفك مثل ريح 
تهب وتجيب الرمل في " عواري "

طيفك صبح عندي مثل صاري ويطيح
ما بين " لنجات " العشق و " الهواري "

وبحر الحـــزن بمواجه يحن ويصيح 
وتصرخ نوارس شوق هالامر طاري

زاحمت للعتمه ،،، حروفي مصابيح
يمكن احصلني ..  وارد اعتباري

غرقان إحســـاسي فدمع التماسيح 
وزادت معاناته بقلبٍ تجـــاري 

كم صارت الآهات من دربي تزيح؟!
شوك الحسد رغم الغلا فيه جاري

والحب قلبه تستبيحه .. تجـاريح 
يعرض جروحه كان للجرح شاري

كم من حبيب يعيش دور المراجيح ؟
قله بلاش يعيش دورٍ حضاري

ببحر على قافي ولا يهزني ريح 
قــول العـــواذل ماب اخليه صاري

 
خليفه الصائغ

قال لي

 

قال لي قم تغزل ، قلت قلي فـ من ؟
قال في أي وحده ، قلت هذا محال

وقال اعزف شعورك، قلت عزفي وطن
قال ارسي حمولك، قلت وايد ثقال

قال هات الـ عندك نستمع لك، وحن
فـ الشدايد شدايد من خيار الرجال

قلت ؛ طيب تفضل استمع ، لا تظن!
الشعر نظم عادي فـ الغواني يقال!

والشعر يا نديمي مثل شكل الغصن
في يباسه بشاعة واخضراره جمال 

والقصائد عيونٍ  ،، والقوافي جفن
لما تفتح قصيده صافيه كـ الزلال

ما تغير شكلها مع  .. مرور الزمن
واخضرار القلوب تجيب حب وظلال

ومن يصّدر رذائل ،، او يصّدر فتن
ف الادب الثقافة مـ له أية مجال

حن فـ سوق المشاعر ما نبيع الحزن
حن نصّدر معزه، ما نصّدر ضلال 

والخلاصه؛ تفضل شعر اسمع فـ من؟!
دون أية تزمت هيّا يـ بن الحلال

من بعد والديني  بس أربع صفن
1 صور
2 أختي
3 اخوي
4 عشق ام العيال

خليفه الصائغ 2017

قابوسنا

#قابوسنا

تمطر غيوم شعري في ذرى كوسنا
صاحبتها حلايل وارتوت بـ الشعر

موطني طين فاخر يزهر السوسنا
وريحة الطيب منها تشترى بـ الفخر

طاحت إجبال عوده من صدى حسوسنا
نزحم بـ قلب صافي والعزم والصبر

نرزح بسيف شعراً ..  قافنا تروسنا 
فـ الملاقى نزاحم بـ البدن والفكر 

والولاء للمفدى .. تاج في روسنا
يرخص الدم فـ ارضه ولوطنا نبر

ولـ جلها عمان حنا نخلع نفوسنا
وقت قدح البنادق والمزالج جمر

صفنا صف واحد خلف #قابوسنا
اما للمجد كلنا .. ولا كلنا القبر

ما يهاب المنيه فخر ملبوسنا
في قميم الشجاعه والعوالم تقر

حنا خلفه جنود .. بقو ناموسنا
فوق جزل الشواهد بـ المعزه حضر

وعزمنا سهم ناري والوطن قوسنا
في يدين المفدى ما نهاب الخطر

صرنا مثل المدارس منهج دروسنا 
فالدول والممالك نندرس من فخر

موطني فعل وافي واما هاجوسنا
وشح الفخر منه عقد ماس ودرر

خليفه الصايغ

الصُدف

الصُدف

ليت الصُدف...
يا متعبة كل الصُدف.. تبقى معي..
في واقعي.. وآنا معي..
صُدفة عشق..!
توقيتها..ينهى الارق..
وكل القصايد لي معايه تقنعكِ..
قلبي على قلبكِ..
رسم عين الوله.. لن النظر من اوله..
ليييين أخره.. طاير شعوره يتبعكِ..
يا تقنعيه او يقنعكِ..
ياليت من فاهم شعور الفاقدين...!
يسكبكِ في بحر القصيده .. كـ لحن ..
صوتكِ لحن.. ادوزنه واسمع معكِ..
يا لحن وصلات العشق..
أزهري .. ارض الخفوق..
عشان لا مر النحل..
ما بين بستان الزهر..
يشمكِ عطر..
احساسهم.. انفاسهم..
يشبكَ خلايا قلوبهم.. في ثوبهم..
وتسدل عليهم من وفا..
صُدفة عشق..
ولا تبعثرو ملح القصيد..
إلا إذا هي من خزف..
هذي المشاعر للاسف..
وشمووعها... ضوت هنا..ذابت هنا👇

   
لـ ني أنا..
...كلي ملامح كادحين..
لو مرني حتى التعب... اتنفسكِ..

وارتاح له لنا صدق متصاحبين..
لم المسا يهمس هدو، انا اهمسكِ.

والله.. تعبت..
اشوف وجه الخاطفين
واسمكِ ضواني، حرف شعري..
قوسكِ..

عشان ... لا اتعب لسان الشامتين  
ويجي مروره يـ همسكِ ويـ سوسكِ..

بسي عطش، افهم عيون الناظرين..
إروي ضمايه من وله..
وانا احرسكِ..

لـ ني هنا..
ارويني من وصلك غرام ..
ودي بحنينكِ من هنا ...
اتنفسسسسه..!
فاخر قصيده..
في مستحيلات الغلا..
ماشي بعييييييد ..
ارمي قصيدي.. وانتظر!!!

هل من مجيييييب؟

لا مشكله.. من بيننا..
إلا الصُدف..! .. ياليتها..
لو صار شي..
تفهم شعور العابرين..يا ليتها..
ما من خزف.. من ياسمين..

( إنتي ) ويا أعذب قصيده لي تزين
فـ صدر العشق يا تاج راس العاطفه

من كثر ما فيني من اشواق وحنين
كَسّرت باب المستحيل اللي اعرفه

جيتكِ ازف الشوق، طوق الياسمين
وشفت القلوب  الوارفه .. ما وارفه

واقولها .. وآانا على .. باب اليقييين
بإن الصُدف كانت اساس ... السالفه

قلت احضني قلبٍ تولع بك .. سجين
خايف من آهاااات الحزن لا تذرفه

على شواطئ العاشقين  ... المتعبين
اللي قذفت إحساسهم هـ العاصفه

بعض الصُدف.. تبني لكِ جسور وتبين
وبعضها تصبح ... كـ لحظه..

.. خاطفه !

خليفه الصائغ
14/3/2017

كوثريني

كوثريني ..

فوق جرحي..
اخضريني بالغلا..

وامنحيني منكِ معنى للحياه..

اغفري للموووووج
لا غرّق سفينه..
قرب مينا.. 
امسحين  ...  الملح عند الفاقدين

إنتي ضوء الشمس ..
لا عانق مدينه
ولا.. ريحة خبز  .. صبح العاشقين .. 

ولا .. سيرة حب ..  احساسه حنينه..
ولا..  عطرٍ فاح  ...
بانفاس الحنين..

تدري.. إنتي ..
كـ القمر ..
وجهكِ .. ضياه..

والقلب لو صاح .. آه..

كوثريني  ،

الجــــــرح صوتكِ دواه ..

وآنا مثل الريح...

اعصف لكِ وله  ...

لـ جل بس ..
أروى ضما.. في اوله..
او اخره..
ابعدي عين السهر..

إغفري لي..
كل ذنوبي ..
وإنبتي ارض الخفوق..
واخضري..
كل شي حولي..

ابتدي نسج العمر ..
حب من عطر وزهر..

قلبي لك أنقى مدينه
يسكنــوها الصالحين
اسكني فيه وتعلي
فووووق في عالي سماه..

واعصري مالغيم ماه..

ولا تحاتين العواصف ،،
لا تحاتين القلب..

لو صاح آه..

كوثريني  يالغلا..

اروي حنيني .. اجعليني حب ماطر..

وارتويني من شعر ..

#خليفه_الصائغ 
1/3/2017