صرير المراجيح
مـ تصَدّع العزه صرير المراجيح
مرجح حروفك في براح الحواري
لو صك باب الضيق عندي مفاتيح
من فكته بتشوف للصبر ذاري
دنياي روعه بس تحتاج توضيح
واعرف افرق بين توفير ، جاري
والناس يلي تشبه الهم مـ تسيح
احسن تطنشها ولا تجيب " طاري "
الشوق سربالي وطيفك مثل ريح
تهب وتجيب الرمل في " عواري "
طيفك صبح عندي مثل صاري ويطيح
ما بين " لنجات " العشق و " الهواري "
وبحر الحـــزن بمواجه يحن ويصيح
وتصرخ نوارس شوق هالامر طاري
زاحمت للعتمه ،،، حروفي مصابيح
يمكن احصلني .. وارد اعتباري
غرقان إحســـاسي فدمع التماسيح
وزادت معاناته بقلبٍ تجـــاري
كم صارت الآهات من دربي تزيح؟!
شوك الحسد رغم الغلا فيه جاري
والحب قلبه تستبيحه .. تجـاريح
يعرض جروحه كان للجرح شاري
كم من حبيب يعيش دور المراجيح ؟
قله بلاش يعيش دورٍ حضاري
ببحر على قافي ولا يهزني ريح
قــول العـــواذل ماب اخليه صاري
خليفه الصائغ
ليست هناك تعليقات:
إرسال تعليق