ضماد الجرح

*ضماد الجرح* 

اجرحيني.. عادي يفداك القلب.. 

امطريني من جراح

ولا تحاتي.. 

لا تحاتي الحزن فيني.. 

بكره انسى وارجع أحبك ضعف.. 

اعرفه قلبي مصيبه.. اطلبه ينسى ولكن.. 

كلما قلتي " أحبك ".. 

تنغرس بذرة احبك.. 

ثما تزهر لك عباره

 ( وأنا احبك موت ).. 

اعشق ابكل شي فيني..  

ومن ملوحة.. 

دمعي ارسم لك قصيدة👇 .. يا بياض الياسمين.. 

الجرح بيت القصايد والحزن طوب القصيدة

امطري درب الجزاله من جراح ومن حزن

من شفاتك او عيونك اجني الفكرة البعيدة

واقطف الدهشة وادوزن فوضويات الوزن

فاعلاتن ، فاعلاتن ، فاعلاتن ، فك قيدة

من بحورك يا الخليل الرمل شكل له مزن

اقفر المعنى الجديد واقنص الصوره الجديده

واخلطه حابل بنابل واستفز ارقى لحن 

هيه يا " أبن الصواري " هين صاريك احيده

لو تحاول تكسره ما ينكسر مثل الووووطن 

الغريب إني احاول بالشعر  .. اقطع وريدة

والشعر اصلا ضماد الجرح في هذا الزمن

خليفه الصائغ 

عمانيتي

عمانيتي  .. جيتك اقلك مساء الخير 

مساءا يصير  بطلتك احلى اطلاله 

عمانيتي .. بعطرك تصير المشاعر غير

لك افتح ورود الحب والقلب يزهى له 

ابى اعصر غيوم الشعر وامسي لعينك بير

يخصب لك ارض الحب من طيب هماله

ابى افخر بامجادك  ،  وايضا بشوق يثير

 نبض المحب اللي يشوفك كل اماله

واقلك حياتي اليوم اي شي تبيه يصير

تبيني اصير السعد والحزن في حاله 

تبيني اجيب الحب  .. ولا تبيني طير 

اجي مع خيوط الشمس والورد فسلاله

ولا اكون الضوء  ، من دون اي تفسير

ولا اكون  الشعر يا روس امواله

عمانيتي  .. جيتك اقلك مساء الخير 

مساءا يصير  بطلتك احلى اطلاله 

 

عادي أقول إنك أنا

عادي ..

عادي .. اقول إنك انا؟!
ولا اقول إنك حياه
عادي .. إذا محتاجلك ؟!
اتنفسك!
واصنع من انفاسك قلب ♥
ينبض حنان.
في كل مكان..
في داخلي  .. يا داخلي..

اجيك بالوان الفرح..
وافتح درايش حبنا..
واطل،
اطل مثل الشمس في اول صباح
ولو صار حب..
برتاح!
.
يا ذاكرة عطر المكان

لا اتصدقي " ليلة ألم "
ولا اعتذارات الوهم

جرح الهوى ماله دواء
إلا ابتسامة وجهك..
وروعة حضور الحب فيك..

لكن هنا ❤️ حبك وانا
                نروي عروق الذاكره

عشان ... لو ازهر  شعر..
                يثمر احساسك عشق ،،

وانا اسالك 🙄

#عادي_اقول_انك_انا 🌹

🤓

يا قمر

يا سيدة عصر التطووور ، يا قمر
ي محفزه حرف الشعر برتوشها

طال الفراق ويات اهات الهجر
وشفت المعاني خاويات عروشها

سكانها كانوا هنا ❤️ غرفة حجر
كنها اليدين اللي تضم قروشها

ما تنبسط وقت العطا حتى شبر
بس العشق يبني عليها عشوشها

احساسها من رقته مثل المطر
لا هو حضر يخفي جميع خدوشها

وايضا نعيمة عود ما تشكي قصر
يكشخ عليها بأآي لون " كلوشها "

عز ونصر، روعة خصر، تجذب بصر
زايد حلاوة وجهها ببشوشها

عيونها تجذب نظر كل من حضر
ودموعها مثل الندى ف رموشها

في كرنفال الحب لك كيكة عمر
حلوه "بجلاكسيها" "وماكنتوشها"

عجيب هالاحساس يأتيني فجر
وتزحف باحلام القصيد جيوشها

تسحب مع خيوط الشمس كل الشعر
وهاذي قصيدة زخرفي برتوشها

يا غايبه ،، قلب العشق فوق الجمر
عطفي عليه امن الدنا ووحوشها

خليفه الصائغ٢٠١٩

حبيبتي

*حبيبتي*

حبيبتي .. والحب غيمة سوالف
من بيننا تمطر واحساسنا حي

تزهر فأغصان المشاعر عواطف
ثمارها من حب وسوالفك ري

وانا أحبك ،، كثر شح الوظايف
في مجتمع ما عاد في يده اي شي

ما غير وجه الطيب والطيب زايف
لونه شرات الليل وحلاوته كي

وانتي حنانك ،، مثل مركز تالف
يجمع حنين الشوق والحب في حي

امر  ..  وحروف القصايد تلاطف
الحلم وآهاتي على مبسم الضي

وكل ما امر تقولي : الحب طايف
واشم ريحة حب فاحت من شوي

حبيبتي .. وانتي خدودك قطايف
ومبسمك توت وطهارتك مي

خليفه الصائغ

صوري

صوري

تحزم  يا صوري " برزتك " كلها ابداع
سمان القرايح تجدح اوزان ناريه

يا لابة حروف القاف سلو القصيد رباع
وشدو المحازم دام الأجواء رعديه

بتمطر قرايح من قصايد شكل وأنواع
بها انفاس شعريه  وبها عروق صوريه

وفي كل جهاااات ن وافيه صيتها ينذاع
تجي مع وجوه الريح عزه وراثيه

ابا انقش ثلاث حروف تاريخهااا لماع
على جبينها تلمع علوم  ن  سنافيه

لك الفخر حرف " الصاد " ارفع عليك شراع
بك ابحر ف بحر الشعر " والنج " قافيه

وترسم ل " واون " من ملامح عزم وصراع
عليها شراااااع العز فااااخر بماضيه

وهيرابها " راء " المجد لي وراها انصاع
لتلعب مع الصوري لعب طاق طاقيه

ديار الرجااال اللي لهم طاري ن ذعذاع
لهم بيرق ن مركوووز فالمجد والهيه

رجال ن يحبو المجد ما ينظرو للقاااع
وعلى قمة المطلاع كلهم سواسيه

فدار ن هواها نسمة الصبح عطر ن فاع
وأمواجها تعزف موسيقى غراميه

وتعشق نوارسها صواري بعزم سباع
عليها ختم منقوش لعزووم صوريه

تحزم .. وشد القاف ورصاصك الابداع
وحزم خيالك دام الأجواء رعديه

خليفه الصائغ