*حبيبتي*
حبيبتي .. والحب غيمة سوالف
من بيننا تمطر واحساسنا حي
تزهر فأغصان المشاعر عواطف
ثمارها من حب وسوالفك ري
وانا أحبك ،، كثر شح الوظايف
في مجتمع ما عاد في يده اي شي
ما غير وجه الطيب والطيب زايف
لونه شرات الليل وحلاوته كي
وانتي حنانك ،، مثل مركز تالف
يجمع حنين الشوق والحب في حي
امر .. وحروف القصايد تلاطف
الحلم وآهاتي على مبسم الضي
وكل ما امر تقولي : الحب طايف
واشم ريحة حب فاحت من شوي
حبيبتي .. وانتي خدودك قطايف
ومبسمك توت وطهارتك مي
خليفه الصائغ
ليست هناك تعليقات:
إرسال تعليق