مديت خيط الوصل والشوق له طوق
وفكيت سبق الطوق عن طير شلوى
عشان لا زم الشعر شلني .. فوق
نايف الى ... جباه القوافي بتقوى
واتنفس الاحساس .. واطبب العوق
عشره على عشره إذ الصدر يقوى
وتتراقص الابيات في شرفة الموق
وتصقل من الفرحه وتصعد لعلوى
والحب ... مزن و جو يلضيك ببروق
يسقي بمخيلة خير ... ولا ببلوى
وايد تلاقي قلوب في عرصة السوق
رح واشتري لك بس ل تجيب طروى
لهفة ... وصالك ترسل اعلام لشوق
وتركز على سنام الوله زود نشوى
شوق ن من وريد المحبين له ذوق
شروي مذاق البن مع ديس حلوى
ولجلك ترى وافي وحبي له عروق
ما تنقطع .. دايم من القلب تروى
شديت لك قافي على قوافل النوق
تسوى مشاعرنا ترى حيل تسوى
تخضع رقاب الشوق والعز والذوق
لما معاني الوجد .. للوجد تحوى
#خليفه_الصايغ_2016
ليست هناك تعليقات:
إرسال تعليق