المنابر

يا مرحبا بالفكر وسمان القصيد
واهلاً بكل شيوخهم وضيوفهم

ويا مرحبا بـ شاعر ومنه نستفيد
منبع جزال وطيب حي بشوفهم

أهل المنابر  .. للمنابر .. شي اكيد
وقفوا على راس الشعر ووقوفهم

ما هو مثل وقفات .. زيدٍ او عبيد!
بل هو شموخ يكون دايما نوفهم

لي يشّبهون التبر  .. والدر النضيد
جزل المعاني لأمعه فـ صفوفهم

هم يكرموا الجمهور بـ الشعر الفريد
فوقت التزافن والحروف سيوفهم

والشعر اللي مـ عرف عبد ٍ .. وسيد
يصقل من الابداع بين .. حروفهم

يلهث لسان إعجاب يطلب من مزيد
يروي عروق ٍ من كرم معروفهم

إحساسهم يطرب اذن ، تخضر بيد
وأكتوفهم خلها لمن فـ كتوفهم

مضمر قصيد وبكرته تفل الحديد
تلوي رقاب شيوخهم وضيوفهم

والبكره .. اللي عن عزمها ما تحيد
هي فالها الناموس غصب أنوفهم

لي كرموا الجمهور بـ بكار القصيد
نسعد لطرواهم ونسعى لشوفهم

ويلي تشوفون المنابر من بعيد
اسعوا إليها .. وزاحمون وقوفهم

وقت المنابر حن منابر ..  يا سعيد
لا نهاب خفرعهم ..  وحتى خوفهم

والرزق بيد الله ( يفعل ما يُريد )
وحنّا بعزم حروفنا .. بنطوفهم

#خليفه_الصائغ_22/9/2016