من حرة الاشواق اشتدت انفاس
واحتر قلب(ن) صادق الحب فيني
وخليت بيبانه تفرع بلا قياس
وداهمت بجيوش المشاعر حنيني
ونزفت في كل الفراغات احساس
صارت تفيض العين من دمع عيني
مزقت ثوب الياس ثم جيت عساس
اطوف حول البيت طوفة حزيني
شبعت اذوني من " صراريخ " هالناس
وعيني تشوفك / ما تلوفك يديني
وينه اثر رجلي على رمل لاطعاس
وآنا " مغيب " فاقد العقل ويني
غطاس في بحر الحسد صرت غطاس
ما عرف اميز من يساري ويميني
لو كنت معرف كان بأقول ﻻ باس
بس للاسف جيش سحر محتويني
الى متى ؟! احنا من الحسد ننداس
صح مات اسمي بس الاحساس فيني
ومن كثر م تقارع مثل قرع لاجراس
صوت الجبال الصم ردت حنيني
خليفه الصائغ 2014
ليست هناك تعليقات:
إرسال تعليق