قابوس

سلام الخير يا داري من الناموس الى الناموس
سلام العاشق المخلص ،سلام ن تصقل حروفه

سلام ن اكتبه بدمي من اول قوس لأخر قوس
سـلام ن ينبري عالي شمــوخ يقبل كتـوفه

اريد أبعد عن العالم ، أفلت مربط الهاجوس
واسرج خيل افكـاري بعد ما جات مرضوفه

تفوح دلال اعماقي .. ويطلع هيلها المحبوس
تعم ظلالك عماني وتبقى الفرحة مخطوفه 

وارتب لك قفص صدري وانقش داخله (قابوس)
لأنه فاسمكم تبقى حـروف الشعر مشغوفه

ويبقى هالوطن غالي وحن لأجله وقفنا تروس
ونغمد سيف حسادك وحنا بالوفاء سيوفه

ونأخذ من ترابه خير ونروي هالتراب نفوس
وينبت خير فترابه ،،،،، لان الخير من جوفه

وطن من تربته نولد شباب ن رافعين الرؤوس
شباب المجد فالأوطان ، ريحه طيب مردوفه

اذا هبت ذواريها تجاوبها ذواري الكوووووس
تنحي من درب مــوتك هناك رجال معـروفه

فقط لا من طرى اسمك احس فداخلي مغروس
شجـر بإحسـاسي الطاهر بيد ابـوي مذروفه

يجـف الحبر من يدي واعجر افتــح القاموس
بعــد ما كنت اتفــنن وعندي الشعر خـروفه

تجي (إلياذة افكاري) مثل ما جاب هـوميروس
اوضح ملحمة حبي لإجل ( عمان ) موصوفه

ومن غادرت بس شعبك حبيب الشعب بك مهوس
تحن عمان لك شوق ن يحن الشعب من خوفه

وهذي عمانك وشعبك مجمع شوق لك متروس
حروف الهزج من جوفي تجر الشعر ملهوفه

سلام الخير يا داري من الناموس الى الناموس
سـلام ن ينبري عالي شمــوخ يقبل كتـوفه

خليفه الصائغ 5 / 11 / 2014