درب السلامه عادي بقولها اليوم
وﻻ همني اضحك من الشدق لشدق
انت أتصور باني لفراق ما روم
هو وجودكم وفراقكم ما له أي فرق
ماشي عرق في داخلي ينبض اللوم
لو كان ينبض كان قصيت هالعرق
ما دام احساسك من العمق مشروم
ﻻ تصلح ف محزم ولا تصلح ف تفق
كم من محازم شدت عزوم وعزوم
وكم من بنادق ارخت فحزت الطلق
تبقى العوايد و اللحايا لها رسوم
عند الرجال اللي لهم دائما السبق
لو دارت الدوره وصكت بحلقوم
بتجيك زفراته من اعماق هالحلق
واللي رماني بسهم ارميه بسهوم
وﻻ همني اضحك من الشدق لشدق
خليفه الصائغ
ليست هناك تعليقات:
إرسال تعليق