كيد المحبين

       
من  كثر ما  كيد  المحبين  زاجر
حسيت بان الكل يبحث عن خطاي
       
دنياي   مهمومه  بنصل  الخناجر
تقطع من كتوفي ولا ترحم حشاي

كني بضاعه طحت ف يدين تاجر
ﻻ يعرف احساسي ولا يعرف مناي
        
بس همه يعرضني  ف كبار المتاجر
تقسمني في نفسي وتبكيني دنياي
        
وجفت عيوني ... وشققتني المحاجر  
ثم شق وجه الجود .. وتشل يمناي
         
جمعت وجهي وسط شنطه مهاجر
وعزمت ارحلك الى اخر اقصاي
         
من شفت احساس المغرضين فاجر
لبست محزم دنيتي وهمي قفاي 
         
ماني من اللي يخلقون المشاجر
وماني من عيال الاجاويد منفاي
          
دنياي  مهمومه  بنصل  الخناجر
تاكل من كتوفي ودمي لها ماي

      الصائغ 26 / 4 / 2015

القمر

ما كاااااااااااان ودي غير تقبيل القمر
بس القمر عالي وانا شفاتي قصاااااار

لذا طويتك حب وووووووورميتك بحر
من معقل المنفى على نفس المسار

اللي سرينااااأاااااا فيه من عيد النحر
وثوب البراءه لبسنا ؛ كنا صغاااااااااار

صارت نساء الكون ما تجذب نظرررر
عشان بس انسى كراسي الانتظااااار

ما كل من تنتج احاااااااااسيسه شعر
يعني ف حرب الحب موقفه انتصااار

الحلم يتلاشى مع بزووووووغ الفجر
حكمة كلام الليل يمحوووه النهاااااار

ما هي جديده قلتها وادري العمررر
يمشي مثل ما يمشي فالسكه قطار

لو كان ابو الطيب هنا فهذا العصررر
ولا الفرزدق او جرير (ن) او نزااااار

تلقي قصائدهم ف اوصافك خضرررر
مثل اخضرار القلب للعاشق شعااااار

وش ذنبه المسكين شيد لك قصرررر
ورحتي سكنتي قصر غيره باعتباااااار

بعض السلع ما تنشري فيها حظررر
محسوبه في سوق المحبين احتكاااار

اكبر مصيبه يكووون عشقك مالصغر
وادهى مصيبه يكوون حلمك احتظار

هذا كبرت اليوم واهذي بك شعرررر
ويا ريتنا نرجع مثل اول صغااااااااار

ما كااااااااان حلمي غير تقبيل القمر
مات الحلم وانا ف كرسي الانتظااار

خليفة الصائغ
5 / 2 / 2014

ﻻ خير فالدنيا وﻻ خير فالناس

ﻻخير فالدنيا .... ولا خير فالناس
اصلا حياة  البعض ... جدا  ممله

تقول كنه بنك ... ومعاني افلاس !
يبقا المواطن بعد الافلاس من له

والبيت يبقى بيت بس يفرق الساس
ساسه ضعيف البيت يعني ف خله

ساسك مميز غير عن كل الاجناس
لانه طبيعي يعجب القلب كله

ومن كثر ما فائض من القلب إحساس
تلقى جمال الروح يا شعر قله ؛

الى متى ؟ واحنا مثل شكل الاقواس!
ما نلتقي كل قوس يبقى محله!

ما دام جمعنا الشعر قول لا باس
وما دام نحنا تحت نفس المظله

من نبع واحد ؛ قالوا العرق دساس
ليت العرق يندس في عرق خله

فالصدر لاهوب ن وفالراس هوجاس
يا الله لا تبلي على النفس عله

ما كاس في راسي هوى العشق ماكاس
من شم بن الشعر من فوح دله

فاحت دلال الجود من نار الانفاس
قومو انشرو هالخبر في كل حله

اشياء بسيطه فداخل الراس نوماس
سياره .. وزوجه .. ومال ن .. وفله

الحال متيسر ... واحساسه احساس
بس المصيبه صاحبي - وش حصله

لو خير فالدنيا .... ولو خير فالناس
ما خاف بعض الناس من شكل ظله

خليفه الصائغ

مشراف

من راس مرفوع (ن)له العز مشراف
يتلحف العزه وشمووووخ الصواري

 

 

ما جيت اجر الصوت بالشعر خطاف
بس جيت اقول الشعر حسب اختياري

 

 

والسيف ابو حدين للرؤوس شطاف
والصقر ما يربى ف عش الحباري

 

 

ب عم  ، ويس ، وتبارك ، والاعراف
عطرت نفسي لاجل اخر مساري

 

 

يممت فكري جود ما جيتكم حاف 
وثقفت نفسي من صحيح البخاري

 

 

ويا جاعل الدانات فبطون الاصداف
هذا القدر مكتوب والصدر عاااري

 

 

بنسج قصيدة حب في صدر الانصاف
حب ن حقيقي ما هو حب ن تجاري !

 

 

لو العشق مركب والاحساس مجداف
احساس واحد ما يعيد المجاري

 

 

ما خاف من شرع المحبين ما خاف
من خاف من شرعه يدق الطواري

 

 

للحب اوصاف ( ن ) وللخل اوصاف
شف مثل اوصاف البدن والهواري

 

 

لذا ركزتك اسم في كل مشراف
يا دهن عود ( ن ) عم كل الحواري

 

 

جيتك انا مغرم وذا القلب شفاف
جيت   بقناعه    ما ارد   بقراري

 

 

خليفه الصائغ
ارشيف 2014

سلام الخير

سلام الخير يا داري من الناموس الى الناموس
سلام العاشق المخلص ،سلام ن تصقل حروفه

 

 

سلام  ن اكتبه بدمي من اول قوس لأخر قوس
سلام ن ينبري عالي شمــوخ يقبل كتـوفه

 

 

اريد أبعد عن العالم ، أفلت مربط الهاجوس
واسرج خيل افكـاري بعد ما جات مرضوفه

 

 

تفوح دلال اعماقي .. ويطلع هيلها المحبوس
تعم ظلالك عماني ويبرى الجرح من  شوفه

 

 

وارتب لك قفص صدري وانقش داخله (قابوس)
لأنه فاسمكم تبقى حـروف الشعر مشغوفه

 

 

ويبقى هالوطن غالي وحن لأجله وقفنا تروس
ونغمد سيف حسادك وحنا بالوفاء سيوفه

 

 

ونأخذ من ترابه خير ونروي هالتراب نفوس
وينبت خير فترابه ،،،،، لان الخير من جوفه

 

 

وطن من تربته نولد شباب ن رافعين الرؤوس
شباب المجد فالأوطان ، ريحه طيب مردوفه

 

 

اذا هبت ذواريها تجاوبها ذواري الكوووووس
تنحي من درب مــوتك هناك رجال معـروفه

 

 

فقط لا من طرى اسمك احس فداخلي مغروس
شجـر بإحسـاسي الطاهر بيد ابـوي مذروفه

 

 

يجـف الحبر من يدي واعجر افتــح القاموس
بعــد ما كنت اتفــنن وعندي الشعر خـروفه

 

 

تجي (إلياذة افكاري) مثل ما جاب هـوميروس
اوضح ملحمة حبي لإجل ( عمان ) موصوفه

 

 

ومن غادرت بس شعبك حبيب الشعب بك مهوس
تحن عمان لك شوق ن يحن الشعب من خوفه

 

 

وهذي عمانك وشعبك مجمع شوق لك متروس
وحروف الهزج من جوفي تجر الشعر ملهوفه

 

 

سلام الخير ياداري من الناموس الى الناموس
سلام ن ينبري عالي شمــوخ يقبل كتـوفه

 

 

خليفه الصائغ

الفيس

كم واحدن فالفيس سوون إعجاب
ما غيرك انتي يا بنيه علامك


ما تذكري كنا على عز واحباب
ولا نسيتي كل حرف ف كلامك


ما تذكري يوم كان في يدينك خضاب
وتبقى فيديني ريحته من سلامك


من يومها وآنا أعطر لك كتاب
وأبني تفاصيل الوله في مقامك


سويت في دفتر شعوري لك حساب
واكتبك وأحسب ضحايا سهامك


ولو يستوي صيد المشاعر بنشاب
لا طيحت كل المشاعر أمامك


ضو الشمس لا شق فالفجر سحاب
تسحب خيوطه كل ملامح ظلامك


وآنا على م أنا أسوي لك حجاب
يمكن يصير ف يوم واظفر غرامك


وتخيلي لا صرت ف الدهر حطاب
أجمع من شعوري شظايا حطامك


يا بنت لا تنسي تسوين إعجاب
أما بكلمه ولا بصمة بهامك

 

عطر الحروف

جيتك  صباح الخير  يا  عطر  الحروف
البس لك العزه ،، واحساسي حميد

 

 

جيت اجر  لك حب من  شتى  الصنوف
وإنتي تنشدي دائما " هل من مزيد "

 

 

ﻻني بشاعر مدح /// ﻻني فيلسوف
وﻻني  من  اللي  يتبعو  زيد  وعبيد

وقت  ، الخناجر ، والبنادق ، والسيوف
تلقيني  في  صف  الاوايل  شي اكيد

 

 

وحن للمنابر مجد / وقت النوف نوف
وحنا وتاد  الشعر ،  وحروف  القصيد

 

 

مثل  البنادق  ﻻ   دوت  ثارو    وقوف
كل من سمعها من قريب ومن بعيد

 

 

يا خيلتي  الدهماء  تعالي  دون  خوف
عدنا  بواريد   الوغى  توفي   الوعيد

 

 

تنومسي ف ميدان صدري ، وفالكتوف
ثم شبي  نيرانك   وعشقي من جديد

 

 

لو  المحبه  تحدها   حدود   و سقوف
بمسح حدودك والسقوف بمسحة ايد

 

 

ولو  كانت  النيه  مثل ما هي  تشوف
م تجاورت  دعوتها حدود " المسيد "

 

 

خليفه الصائغ 2015

 

 

المسيد : المسجد باللهجه العاميه

دفتر المعروف

تعال اليوم يا خلـــــــــــــي بنفتح دفتر المعروف
نفتش ماضي الذكـــــــــــرى ونقرى له دواوينه


ونفتح للملأ دفتر مضامينه غـــــــــــــلا ملهوف
ونكتب كل حروف الحب ونسطــــــــــر عناوينه


وألطف شاطئ أحزاني واصبر قلبــي المشغوف
وازرع له بذور الود عسى تزهــــــــر بساتينه


بقايا الشوق في صدري ومن عيني الدمع منزوف
صحيح إن العشق مجــــرم وفـ رموشك سكاكينه


تعب قلبي مناجاتك وأنا أشـــــــوفك قمر مزفوف
وتتراقص حروف الشعــــــر وفي عقلي شياطينه


على باب العشق خلي كتبنا من الأسامي حروف
حبيبي حرفي الباقي علــــــــــــى شرفة طواحينه


تجمل خفف جراحي وارحم قلبـــــــــي المكفوف
ترى هي بسمتك عمـــــــري تخفف كل براكينه


وترفع قلبي الدامي ويبقى فـ المعــــــــالي نوف
ويفــــــــــــــــرح كلما شافك وتتراقص شرايينه


وكل البرد فضلوعي وعلى بابك معاطف صوف
وأنا ودي بمعطف صـــــــــوف وأنتي ما تبيعّينه


تعبت أرسل نظر عيني ويرجع لي النظر مكسوف
يطالع بسمة شفاتك ويتمنى تخـــــــــــــــــاوينه



جنيت الشوق والغربة وهمي في الصدر مكتوف
و كل مرسلت لك حبي تصــــــــــــــدينه وتجفّينه


يسيل الدمع من عيني و يرويها خدودي صفوف
يعيني كفكفي دمعــــــــــــــــي رجيتك لا تذرفّينه


يقولون الدمع مالح ودائم للخلـــــــــق مكشوف
يعبر قســــــــــــــــوة الفرقى ، يا دنيا لا تقاسينه


فمان الله يا خلـــــــــــــــي بنغلق دفتر المعروف
ونمسح ماضي الذكــــــــــــــرى ونركنها دواوينه

كف الحزن

أنطر دمعة عيــــــــــوني وهي تمشي بلا دستور
وافككها رموز الحـــــــــــــب وافكك كل شفراتك


سرق كف الحزن قلبي وخلا لي صــــدر مهجور
يعاني نبرة الوحدة ويتمنـــــــــــــــــــــى ملاقاتك


تعبت امشي كذا حافي وشوكن فـ الأراضي يثور
وطعنه يدمي رجولي وفي قلبـــــــــــي جراحاتك


تعبت أجمْل أفعالي تعبت اخْبــــــــــــــي المستور
و أسولفلك دمع عيني متى بتجــــــــــي مسراتك


أتاْبع ضحكة الدنيا و أتاْبع ضحكه المســـــــرور
وأداري عنكٍ أحزاني وتذبحنــــــــــي بضحكاتك

واخْزنها فـــ ذاكـــــــــرتي وهي فيها أمل مكسور
وأخليها صدى الذكرى عسى تنســــــــى معاناتك


ألا يا راحة الدنيا ألا يا قلبــــــــــــــــي المشطور
تكرم لملم جراحــــــــــي عسى تنسى خساراتك


تكرم ازرع ورودك وامسح دمعي المقهــــــــور
ترى هي مسحة دموعي تحفف من حســــــاباتك


تلوميني وفي يدينك أطالع نتفت الطبشــــــــــور
تشخبط حائط الذكرى وفي حضــــــــني كتاباتك


معاْني فرقة غيابك وقلبـــــــــــــي لفحت التنور
بيشعل ماضي الذكــــــــرى ويذكرني فـ غياباتك


وأنطر دمعة عيــــــوني وهي تمشي بلا دستور
وافككها رموز الحــــــــــب وافكك كل شفراتك


سرق كف الحزن قلبي وخلا لي صـدر مهجور
يعاني نبرة الوحدة ويتمنـــــــــــــــــــى ملاقاتك
 

جمر الوله

غنمت من جمر الوله فنجـان شعــري
لين أكتوتني النفس من طعــم المراره


هزيتلك كتف التعب من عقب صبري
وعلقت آهاتي على عــــــذق الخساره


ولعت قيفان الشعر من جــزل حبري
وطيف الوجع يرسـم علامات انتصاره


من يوم ما شفتِ القلب مختوم سري
وخليتِ اسمك فـــوق قائمه الصــداره


حبك بقى في داخلي حــولين يسري
يرسم خيـــــــــالاتي وعشقي باعتباره


انك زرعتي الود في أعماق صدري
وما شفتي قلـبي كيف يرسلك اشــاره


كنه القمر طـالع عليه فيوم حصـري
وتعم ف البيـــــداء تفاصيل الاناره


يا زينة الحلـــــوات ما عزيتِ قدري
وكنا نزيد العشق ونحصـــــــن جداره


نكتب عبارات وحكم في ود عذري
وننحت من حـــروفكِ معايير الجداره


من بعد ما كنتي معـــــايه شي يثري
صرتي مثل سلعه تمـــارس فـ التجاره


عفيت نفسي م العشق وحفرت قبري
يوم(ن) زرعنا الحـــب ما ذقنا ثماره


كفنت في جمر الوله تمثال شعري
لين اعتبرت الربح هو نفس الخساره
 

صداع

من فلسفة أشعــــار وهموم وصداع
اقطف ثمر شعـــــري وينبت لي ثمر


واعد فـ البيداء تفاصيــــــل الضياع
وتهوجس أفكـــاري وتعطيني صور


ودي مع العالم في محراب الصراع
باشخبـــــــــط أوراقي وأملاها حبر


وارتب خطـــوطي وأركز فـ الدفاع
وأشرذم العاهات وهجـــــــومي فكر


تتسلسل أحـلامي من أوساط النخاع
وتنساب كلمــــاتي على وزن الشعر


يبحر على موجه وافتح لك شــراع
وتهيج قيفاني وتتســـــــــــاقط مطر


بعض القصائد بكـــر تلوي لك ذراع
والبعض للأخر في فــــــؤادك تستقر


الحق والإخــــــلاص معيار الشجاع
وان كان متوشح بأنــــــــــواع الفقر


ما للمحب من بعد طعنـــك ارتجاع
والهجر ماله غير بس معنــى الهجر


كم قلب عانى من حـــرارة وارتفاع
وكم طبيب ِ قادر يســـــــــوي الأمر


خلاص ما ودي أعيد الانصيــــــاع
ودي امسّــــــــــح كل فكري واستمر


امسح ولا افتـــــــــح ملف ِ كل ساع
وأرسل عبارات وتحيـــــــات وشكر


الله يجــازي من هو ناوي الاستماع
والله يجــــــازي من يخليني فـ سهر


لن شفتني هايم واشكــي مـ الصداع
اعرف بان الشعـــــــر ينبت لي ثمر
 

ضحكات الجبر

أوصيت قلبي مـ الوله وعصرت أنفــــــاسي زفير
.......................وأمسكت آهات التعب وأصوات ضحكات الجبر


شكلت فـي باب الحزن بيديني الحـــرف الأخير
........................وعلقت بيدي صفحتك من شان ما يجف الحـبر


مليت من كثر الصبر وأكتض قلبــــي بالهجير
........................ناديت آهات الجفا والرد جــــــــــــــاني أعتبر!


في كل رحلاتي ألم ، حلقت وجنـــــاحي كسير
........................وامشيت في درب الفقر والتمر أصبـــح لي تبر


خليت قلبي فالجمر و أنا ف قلبـــــــك مستجير
.........................أنزلت في عيني الترح و ألبستنـــي ثوب القبر


ومحيت دفتر ذكـــرياتك بس لاجل أني فقير
.........................وتقول دائم للمـــــــــــلا .. والله ما عندي خبر!


لكن إيماني قوي وبيدي ترى عـــــــزماً مرير
..........................من يوم صغري انتصر و أكْسرت آفــات الكبر


هذا الغنى هو عز نفسي عن حقـــــارات الحقير
........................والكبْر في حزات ذْاتي ما تقــــــــــــــــربني شبر


والحين من بعد الجفا خلصـــــت قولي فـ الأخير
.........................مليت من درب العنا وشبعت من ذوق الصـــبر
 

لو العشق مركز وقلبك جمارك

لو العشق مركز..... وقلبك جمارك
ماني بدافع لاجلك اعشار واسداس

 

 

عادي  حبيبي   ﻻ   ترد   ف قرارك
( لي ف القدر بتطلعه يدين ملاس )

 

 

وخل المشاعر  تعترف في مسااارك
الناس تعرف ليش تكذب على الناس

 

 

حبل الكذب دائم يصغر وقاااااااااارك
واول وقارك ما يحدد بمقيااااااااااس

 

 

واليوم هذا الحااااال والصدر داااارك
ارحب الى دااارك بلا قرع الاجراس

 

 

وبلا اذن يفتح ...... مداري مدارك
مسموح لك من صبع رجلي الى الراس

 

 

جيتك صباح الخير ... فاول نهااااااارك
واخر نهارك جيت مره بلا احسااااس

 

 

والله يا محلى الامل ..... وانتظارك
حبيت عطر الصبر  حبيت الانفاااااس

 

 

حبيت كحلة هالعيون ..... وخمارك
مع عطر ثوبك عطر  بارد  ونسناس

 

 

طيف الحيا ...... دائم يصافح ستارك
وآنا اخمس لك من الشوق واحتاس

 

 

ما دام  قلبي  صار ينبض  جوارك
هات الشعر هاك القلم هاك قرطاس

 

 

ارسم خفوقي مع  خفوقك  مشارك
( لي فالقدر بيطلعه اليوم ملاس )

 

 

وما دام   حلمك  ما  يداوي " عوارك "
تركه  ولا   تسمح  يغذيه  وسواس

خليفه الصائغ 2015