من كثر ما كيد المحبين زاجر
حسيت بان الكل يبحث عن خطاي
دنياي مهمومه بنصل الخناجر
تقطع من كتوفي ولا ترحم حشاي
كني بضاعه طحت ف يدين تاجر
ﻻ يعرف احساسي ولا يعرف مناي
بس همه يعرضني ف كبار المتاجر
تقسمني في نفسي وتبكيني دنياي
وجفت عيوني ... وشققتني المحاجر
ثم شق وجه الجود .. وتشل يمناي
جمعت وجهي وسط شنطه مهاجر
وعزمت ارحلك الى اخر اقصاي
من شفت احساس المغرضين فاجر
لبست محزم دنيتي وهمي قفاي
ماني من اللي يخلقون المشاجر
وماني من عيال الاجاويد منفاي
دنياي مهمومه بنصل الخناجر
تاكل من كتوفي ودمي لها ماي
الصائغ 26 / 4 / 2015
ليست هناك تعليقات:
إرسال تعليق