دفتر المعروف

تعال اليوم يا خلـــــــــــــي بنفتح دفتر المعروف
نفتش ماضي الذكـــــــــــرى ونقرى له دواوينه


ونفتح للملأ دفتر مضامينه غـــــــــــــلا ملهوف
ونكتب كل حروف الحب ونسطــــــــــر عناوينه


وألطف شاطئ أحزاني واصبر قلبــي المشغوف
وازرع له بذور الود عسى تزهــــــــر بساتينه


بقايا الشوق في صدري ومن عيني الدمع منزوف
صحيح إن العشق مجــــرم وفـ رموشك سكاكينه


تعب قلبي مناجاتك وأنا أشـــــــوفك قمر مزفوف
وتتراقص حروف الشعــــــر وفي عقلي شياطينه


على باب العشق خلي كتبنا من الأسامي حروف
حبيبي حرفي الباقي علــــــــــــى شرفة طواحينه


تجمل خفف جراحي وارحم قلبـــــــــي المكفوف
ترى هي بسمتك عمـــــــري تخفف كل براكينه


وترفع قلبي الدامي ويبقى فـ المعــــــــالي نوف
ويفــــــــــــــــرح كلما شافك وتتراقص شرايينه


وكل البرد فضلوعي وعلى بابك معاطف صوف
وأنا ودي بمعطف صـــــــــوف وأنتي ما تبيعّينه


تعبت أرسل نظر عيني ويرجع لي النظر مكسوف
يطالع بسمة شفاتك ويتمنى تخـــــــــــــــــاوينه



جنيت الشوق والغربة وهمي في الصدر مكتوف
و كل مرسلت لك حبي تصــــــــــــــدينه وتجفّينه


يسيل الدمع من عيني و يرويها خدودي صفوف
يعيني كفكفي دمعــــــــــــــــي رجيتك لا تذرفّينه


يقولون الدمع مالح ودائم للخلـــــــــق مكشوف
يعبر قســــــــــــــــوة الفرقى ، يا دنيا لا تقاسينه


فمان الله يا خلـــــــــــــــي بنغلق دفتر المعروف
ونمسح ماضي الذكــــــــــــــرى ونركنها دواوينه