ﻻ خير فالدنيا وﻻ خير فالناس

ﻻخير فالدنيا .... ولا خير فالناس
اصلا حياة  البعض ... جدا  ممله

تقول كنه بنك ... ومعاني افلاس !
يبقا المواطن بعد الافلاس من له

والبيت يبقى بيت بس يفرق الساس
ساسه ضعيف البيت يعني ف خله

ساسك مميز غير عن كل الاجناس
لانه طبيعي يعجب القلب كله

ومن كثر ما فائض من القلب إحساس
تلقى جمال الروح يا شعر قله ؛

الى متى ؟ واحنا مثل شكل الاقواس!
ما نلتقي كل قوس يبقى محله!

ما دام جمعنا الشعر قول لا باس
وما دام نحنا تحت نفس المظله

من نبع واحد ؛ قالوا العرق دساس
ليت العرق يندس في عرق خله

فالصدر لاهوب ن وفالراس هوجاس
يا الله لا تبلي على النفس عله

ما كاس في راسي هوى العشق ماكاس
من شم بن الشعر من فوح دله

فاحت دلال الجود من نار الانفاس
قومو انشرو هالخبر في كل حله

اشياء بسيطه فداخل الراس نوماس
سياره .. وزوجه .. ومال ن .. وفله

الحال متيسر ... واحساسه احساس
بس المصيبه صاحبي - وش حصله

لو خير فالدنيا .... ولو خير فالناس
ما خاف بعض الناس من شكل ظله

خليفه الصائغ