مجاراه لقصيده ناصر الغيلاني ( اسامحك)

مجاراة اسامحك..

أسامحك ؟؟؟!

أسامحك ؟..... رب ن كريم يسامحك
الجرح منك وبلسم الجرح بيديك

لو هو صحيح انه غيابي جارحك
كان اجرح غيابي من الفرحه واجيك

أوله كثير أوله واجيك مصارحك
أموت بغيابك كثر موتي عليك

المشكله لو انا بغيت افاتحك
تتسكر افواه الحكي وارجع إليك

تسبقني ايدين الغلا لمصافحك
والشوق يبحر في سواحل ناظريك

يافاتني هات الجروح .. مسامحك
دام الفوايد منك والخسران فيك

شاعر العرب ناصر الغيلاني

***********

أصارحك؟ ...

يا للي تنادي فالغياب "  *مسامحك* "
صارح حياتك بالمحبه لا " عليك "

لأبداع وجهك ..  والألق ف ملامحك 
شامخ ولك احساس فائق يحتويك

" جارح غياب " الجرح ياتي ف صالحك
بالشعر  يلي  دايماً شف يستميك

تشهد عليك *مسامحك*  فمسارحك
لك صفقت الجمهور دايم تحتريك

كل ما نويت أقراء نتاج قرايحك
اسكر من الدهشه واشبع وارتويك

أصارحك؟ ... من حب ودي صارحك
ما دامت أبيات المحبه تغتليك

#خليفه_الصائغ