اغسل يديني

يا مخزن العزة  ويا محزم  القوم
امسكت من معصم يديني يديني

 

ﻻ انته بملزوم ن ولا انا بملزوم
عند العوادي نجر سيف ن دفيني

 

ﻻ حن بني تغلب وﻻ حن بمخزوم
سيوفهم تصقل بماضي السنيني

 

حنا عرب هاليوم كان تعرف اليوم
كل واحد ن يخشع زميله بخزيني

 

في داخلي مزحوم اهات وهموم
وكم سلة  اوجاع ن تلاقيها فيني

 

والله لو لا الشعر كفخني  اللوم
دنيا توجعني ،،،، وشعر يمحيني

 

قلب السنين النابض بحيل مكضوم
والشعر  ينبضني  ما  بينه وبيني

 

ما باقي إلا نخبص القوم  بالقوم
وفاقرب بحر امشي اغسل يديني

 

 

خليفه الصائغ

اسرار

دام  الحياه اسرار  ﻻ تفضح بيوت
يا لسان شعري ﻻ تجيب الخطيه

 

 

خلنا نضم  كروت ما نحرق كروت
هذا   الزمن   يا صاح  فيه  البليه

 

 

السر  له  تابوت  و البوح  تابوت
البير  دلوه  لي  يفت  الوصيه

 

 

الحب ؛ غزوه و الصدر ؛ ساحة الموت
العين ؛ فارس يعتزي بالحميه

 

 

يطلق سهامه حب في صدرك " تفوت "
يقتل لك الاحساس و الروح حيه

 

 

سرك بقى ما بين الاضلاع منحوت
يا حرف فكري ﻻ تجيب الشقيه

 

 

سيفي لساني ما اخليه  مفلوت
ﻻ تسحبه اسيوفي ايادي خفيه

 

 

ما كل لحيه تعتبر لغم موقوت
بعض اللحايا بالمعزه غنيه

 

 

السر لو خليته ف أيد " سربوت "
ايديه مخشوفه و دائم خليه

 

 

سنيار بانمشي على وزن البيوت
في بحر مسحوب ن بروحه وجيه

 

 

دام الحياه اسرار ﻻ تفضح بيوت 
يالسان شعري ﻻ تجيب الخطيه

 

 

من بعد ما ذقنا من التين والتوت
احفظ شرف وجهك وانسى القضيه

 

 

خليفه الصائغ 24 / 12 / 2014

الزلزله

بالزلزله ، الراجفه ، الملك والروووم
سميت بالرحمان واقراء كتاااااااااااابه

سلام يا شيخ المناعير وعلوووووم
من شاعر ن صارت حروفه ركااااااابه

خلى المطيه ظهرها نار له دووووم
بس ما يرده غير اهله ، صحاااااااابه

مثله صقر حول على جوك يحووووم
جاب الحباري وﻻ يقنص عقااااااااابه

في وادي الاشعار هالقول محسووم
دام الشعر فكره والاحساس غااااابه

بنسج قصائد مثل عمرو ابن كلثوم
تسكب جزايلها بشعري سكااااابه

تصعد الى راس الرجاجيل بخشوم
وتخل من روس الكبيره ترااااابه

يا مفند اﻻحساس فند على الدوم
ما كل من يعزي له اليوم ﻻبه

للمرجله احيان يحتاج لك زوووووووم
تفحص معااااااااااااير الرجوله بصلابه 

سبل اللحى ما يعني مطوع القوووم
حلق اللحي ماهو سفاهه ونهااابه  

غيمة شعوري تمطر الشعر هاليوووم
وسليت سيف ن من معاني جرااااابه

شفت القمر يا كيف من حوله نجوووم
وﻻ زال روعه ، ﻻ وجوه تشااااااااااابه

حول على العشاق / اعﻻه محتوووم
كﻻم ما يحتاج فن الخطااااااااااااااااابه

ما كل عاشق يستمع ام كلثووووووم
يجلس على الشاطئ يطالع سراابه

ينام طول اليوم ويقوم مزكووووووم
من برد حب ن دار فالجو صااااااااابه 

متعذب وتاااايه ومغرم ومحمووووووم
شخبط على الجدران سبة عذاااااااابه

او كن طفل ن من دفى اﻻم مفطووم
ما كمل السنتين عمره شقااااااااابه

دلوعته تسكب على كاسه سمووووم
والحيه الرقطى بدون الرقابه

ودلوعته ماهي مثل بنت لقروم
متميزه فيها دﻻل ومهااااااااااابه

في عينها تتعارك الفرس والروووم
هو ﻻجلها دائم مجهز حراااااااابه

كم هام فالصحراء علشانها قوم
مع نار شبابه وحس الربابه

يا مفندين الشعر  الاحساس مرحوم
يرحمه ربي يتقبل مصااااااااابه

خليفه الصائغ
ارشيف2013

اجر المواويل

من  سافرت  وانا  اجر  المواويل
واويل  حالي من  مواويل  حالي

 

 

بعض المراجل ودها شوي تمويل
مره  إداري   مره  تمويل  مالي

 

 

من مختبر الاحساس شلت التحاليل
قلب  المثالي  يكون  دائم  مثالي

 

 

ماني  بحاجة  إعتماد (ن) و تخويل
من عند قاضي ولا من عند والي

 

 

اتناوش  العزه   على  كل  تأويل
عشان تعرف بس لزوم الرجالي

 

 

الحش  و الفتنه  وطعن  الاقاويل
يا شينها  لا  جات  فانسان  غالي

 

 

اعرف  اميز  بين  فتنه   و تهويل
من هو  يبالي  فصوبنا  ﻻ  يبالي

 

 

اخلاقنا   يوب   الغيوم    الهماليل
تروي الصحاري دون قيل ن وقالي

 

 

وافعالنا  مثل " الطيور الابابيل "
قوم (ن)ضخام إلنا شموخ الجبالي

 

 

الضيف عدنا اغلى من حقل هرويل
واغلى من البترول في سعر عالي

 

 

ما  عمرنا  هبنا   فعال   الرجاجيل
فحول و  شيوخ و ملوك و معالي 

 

 

السيف  و العزه  و فعل الحلاحيل
اشياء   تذكرني   بخير   الفعالي

 

 

خليفه الصائغ
8/8/2014

اعذب جروحك

للحين جرحك صاحب الجرح ما طاب
اليوم يومك شوفي اعمق  جروحك

المشكله ما هي  ترى بعاد وقراب
المشكله  اكبر  من احساس بوحك

كم كانت اللعبه على  ذهاب واياب
بس الله ، يا ثقلك  ومثقل مزوحك

كل ما  تسكر باب  افتح لك  ابواب
و انتي تهدميني و تبني  صروحك

الحب  لي  خيمه و انتي له اطناب
والقلب شيخ ن وسط خيمه ينوحك

جرحك مثل وضحى وقلبي انا عقاب
اعشق جروحك كثر ما عشقت روحك

النار في يمينك وفي يسارك أخشاب
قم  ولعي  روحي  فاعلى سطوحك

شوفي عيونك   كنها   ضرب  نشاب
حتى العدو ما شاف مرفا وضوحك

فجرت احساسي وقالوا لي ارهاب
شفتي هوايل هالغرام ب سيوحك

في  مملكه  حبي   تلاقين  محراب
في داخله موجود  اعذب  جروحك

خليفه الصائغ

المشكله

المشكله ماهي على طاري العيد
المشكله لا جات عينك فعيني

دقات قلبي تصير كلها مياهيد
وابحث على ويني ولا القاه ويني

ذي حالتي من فارقت شيخة الغيد
تطعني الاشواق داخل ضنيني

من يومها وانا حبيب التناهيد   
ازفر فيوم العيد  جمرة حنيني

كن الشجر عمري وحبي عناقيد
في سفرة الاعياد عيني تجيني

خطيت لك شعري من الجيد للجيد
يمكن من افراحك تذكري سنيني

ولو يرتبط عيدك بشعر  اﻻناشيد
بنشد قصيدي تفضلي عايديني

قولي لهم شاعرك محتاج تجديد
عن ﻻ بنود الحب تزداد طيني

المشكله ماهي على طاري العيد
المشكله لا جات عينك فعيني

                  خليفة الصائغ 2012

خذينا ما عطينا

على طاري " خذينا ، ماعطينا "
تقل   كنا   نسينا   ما   خذينا

ياطفله مدهنه بعطر " الزبادي "
وترمينا .. ومن ثما .. تجينا

(وانزف لك مشاعر من حنيني
قرارك كان ماهو في يدينك )

يا دمع الحب .. يالدهن المتعق
يا  ريحة   ماضيا   منا   وفينا

مدامعنا  .. تودعنا ..  بحسره
وترسناها  .. بايدينا .. لجينا

( وﻻ تاخذ ولو اني سجيني
قرارك كان ماهو في يدينك )

نعنونها .. باحساس  المحبه
نبادلها .. بمعاني .. خالصينا

تقربنا  بخطوه ذي .. سفينه !
ولكنها حسافها دون ...  مينا

( ﻻنه فالحقيقه  ما تبيني
قرارك كان ماهو في يدينك)

ينار  الوجد  ﻻ تزيدي  فراقي
م باقي فينا كل شي  ما يبينا

ملانا  الحب  حتي  ضاق  منا
وصدر  الشوق  نملؤه  حنينا

(وادورني انا ياحب ويني
قرارك كان ماهو في يدينك)

نزيف القلب بنبض  من حنانه
معطر  لك   برئحة   ياسمينا

شموع الود ذابت وينك إنتي ؟
ياربي شوف وضع العاشقينا

( وعينك ما تطالع فوق عيني
قرارك كان ماهو في يدينك )

شربنا الخمر من عينك سكرنا
واجرمنا .. ف حق ..الغافلينا

وإن جاءت .. مشاعرنا اليكم
رجينكم ........ وكنا اسفينا

( وانا كنت اتمنى لو تجيني
قرارك كان ماهو في يدينك)

عطينا  او   خذينا   كل  واحد
وقلبك  شاحبا  وجهه   حزينا

خناجرنا .. فاظهرنا ..ركزنا
ركزناها .. وكنا .. الخاسرينا

(وكنتي كل مره تحتريني
قرارك كان ماهو في يدينك )

ذبحنا  إحساسنا  ذبح  العواذل
وكنا  نحسبه .. حبا  .. دفينا

م دام ان المصالح في مصالح
قصدنا البحر .. وغسلنا يدينا

( اضن انك عزمتي تحرميني
قرارك كان ماهو في يدينك)

وآنا بختم كلامي بكلمه وحده
بفم مليان سمعيها " انتهينا "

وآنا بختم كلامي بكلمه وحده
بفم مليان سمعيها " انتهينا "

(وﻻ تضني باني بك حزيني
قرارك كان ماهو في يدينك )

خليفه الصائغ 2015

البداوه

يا ناصي البيدا ترى  الصدر مرحاب
وارث  من  اطباع  البداوه  جمايل

ارحب ترى " خيام البدو " مالها باب
بتشم " بن الجود "  صايل  و جايل

وخير اللحايا  شامخه  بعز  الانساب 
ومن هو  نصاها   ما   يدور  بدايل

زميت شعر (ن) دون تزوير وإسهاب
من بكرة (ن) حمرا  تجيب   الاوايل

وقدحت  لك  بندق   خيالي  بنشاب
وحسيت عرق الراس مالقدح صايل

وتسمع  فناجين  القهاوي لك زهاب
من  قبل  لا  توصل  بيوت العوايل

تتقهوى  ابياتي  من  دلاله إعجاب
وتزرع  يسار الصدر  جود و فضايل

للناس  اطناب (ن) و للبيت  اطناب
ومن مال طنبه يستوي البيت مايل

عرجت في بكره  على كل  مرقاب
وصافحت باشعاري  خيار  القبايل

اللي لها في  كل  مركاض محراب
وتكون  مسكن  للذلول    الاصايل

هالبيت  جذاب (ن)  وللعز  جذاب
ويلبس معزه من قبل عز "  وايل "

بنن وهيل  ونفحة  احباب  واصحاب
وصوت الربابه بين  الاضلاع  قايل؛

الخيمه عزه  شوف عمدانها  رقاب
و تزيد  عزه  مع   غناء   الذلايل

رمز البداوه يزيح  من  عينك  ضباب
بالشيخ  "زايد " شوف كيف الفعايل !

" بيت  المعزه "  بيت تنصيه الاغراب
من دون م يجيهم من  الغير  سايل

واطفالهم  تعشق  مراكيض  لركاب
وتعرف تميز بين " عشرى و حايل "

وللبيت حشمه و حشمته دوم تنهاب
لي تصونها  بالعز  " بنت الحمايل "

ذي  بكرة  ابياتي  تفحم  بلا حساب
وترفي من إحساس البداوه خصايل

حتى  زبدها من القلب  صار صباب
في شف شمطان اللحي و الجمايل 

دامك نصيت البيد فالصدر  مرحاب
يلبس  من   اخلاق البداوه " يدايل "

خليفه الصائغ 2015

صوريه

يا ملهمة  قلب  الشعور  النادر
خليتي قلبي ( full ) ميه ميه

 

 

ما هو مهم من هو جرئ وبادر
ما دامنا في حالة (ن) حبيه

 

 

القلب بنك (ن) والشعور كوادر
وهذي الكوادر كلها حصريه

 

 

 

شمروخك اللي من جبينك حادر
و"السيتمي"  و "العوص " و " المريه "

 

 

ودشداشة " الدرياهي " فاحلى بنادر
" بالبنجري " و " الدهر " و " غلاميه "

 

 

محلاك .. وانتي لابستلك  " شادر "
متكشخه  بثيابك   الصوريه

 

 

ترى النفس فالوارده والصادر
تزفر باسمك ريحة ن عطريه

 

 

من " زنجبار " الذكر لين " جوادر "
بسري فبكره مضمره عمانيه

 

 

للشعر قادر .... والخواطر قادر
وانقش لك " التغرود " بالعفويه

 

 

عازف بفن (ن) من بلادي هادر
يعزف من احساس العشق حنيه

 

 

حد (ن) ترى نادر .. واسمه نادر
بين الاسامي علاقة  (ن) طرديه

 

 

ركزو .. فقلبي ..لك عيوني بنادر
يا كشخة " اللكداني " يالحوريه

 

 

خليفه الصائغ

 

 

ملاحظة :

السيتمي ، العوص ، المريه ، البنجري ، الدهر ، غلاميه ، اللكداني : نوع من انواع الحلى النسائيه الصوريه

شادر ، الدرياهي : نوع من الملابس الصوريه

عين جالوت

ما دام عايش داخل احساسي احساس
لاباس بدخل معركة " عين جالوووت

 

 

مثل المظفر جيت بالجيش نبرااااااااس
جادح خيالي دام الاحساس " باروت "

 

 

جيش ن يشب الراس ويقارع الراااااس
م يردني عنك سوى زفرة الموووووت

 

 

من هو قتل "وائل"سوى باس "جساس"
ﻻن القهر في داخله كان مكبووووووت

 

 

ﻻن الكبر مثل البشر " نوع ، اجناااس "
خالي من الحكمه وله بشت طاغوووت

 

 

شفنا تجارب مثل  " عباااس  فرنااااس "
او مثل " بن مته " دعى داخل الحوت

 

 

او كثر ما وسوس على الناس خنااااس
او كثر ما صرنا كذا " لعب ريموووت "

 

 

فكو زرار الشعر فكوووووون الاغلاس
خلاص راحل من تقاليد و سكووووووت

 

 

ولو كان عزك بحر ﻻبد يحتااااااااااااااااس
من أذن النهام يا مال بالصووووووووت

 

 

كانت هنا ! عندي  " طوابير ، انفااااس "
عطر النفس فيني صباحاته القووووت

 

 

فصلت احزاني   و  دقيت اجراااااااس
" ناسك عشق " خلى على الصدر تابوت

 

 

ثم ضاقت انفاس القصيده ف قرطاااس
وسطرت كلماتي ، انا حيل " مبهووت "

 

 

الناس ما تبقى على طووووول للناس
صار الوفاء في قالب الغدر منحووووت

 

 

مثلي حطب يدمع اذا قرب الفاااااااس
بس ما يفيد الدمع ، هالحزن مؤقووووت

 

 

تعوذ من الشيطان يا صاحب الكاااااس
خل كاسك المجنون كم اهدم بيوووت

 

 

هذا انا صيفي  " عراقيب ، اطعاااس "
بس صيف غيري عطر " أجواء بيرووت "

 

 

ما دام عايش داخل احساسي احساس
ﻻ باس بدخل معركة عين جالووووت

 

 

خليفه الصائغ
2014

راح اعترف

( 1 )

#راح_اعترف ..
.
واكتب على صدري كلام ..
ينبش فقلب الذاكره ..
واسمع سواليف الحمام ..
في غرفة البيت القديمه ..
كاااااااااااااااااانت هناك ..
إيوه هناك .. جنب الدريشه جالسه ..
تنسل جدائل شعرها ..
في شعرها حلك الظلام ..
والصبح شع بوجها .. مثل الملاك ..
#راح_اعترف ..
شف قطن ابيض خدها ..
ويضحك معا ضحكاتها ..
في عينها حكي وهيام .. لا سلهمت اصبح شتات ..
مثل اوراق الخريف انتشر في كل مكان ..
او صيف يحرق داخلي عشب الغرام ..
شكرا لذلك #اعترف ..
(ان الغرام اما حطام ولا حياه )

( 2 )
#راح_اعترف
.
هو من زمان ..
مشتاق لاخبار الحواري ..
والصيد من متن الهواري ..
ثم ريحة العود المعتق ..
صوت مرزام ومطر ..

برزة الشياب ودلال ورطب ..
و سكه البوش ... وريحة خبز ..
ورملة الشاطي بعد لعب العصر ..
وريحة اوراق الورس
في مخدة طفل ..
من صناعة جدته ..

مشتااااااااااااااق ..
ارجع للوراء .. انسى حديث الذاكره ..
واحلق لحيتك يالزمن ..

كنا صغار ونفهم الدنيا عكس ..
انتي هنا ... وانا هنا ..
هذا كبرنا وصارت الدنيا ..
( فرااااااااااااااااااااااااااااق)

( 3 )
#راح_اعترف

مشتاااااااااقلك ..
كثر الفراق بداخلي ..
كثر الالم ...
كثر الجراح النازفه ...
كثر وكثر  ..

#راح_اعترف
بس.. ليت ايامي صباح ..
ما كان طير الشوق ناح ..
او طاح من غصني ورق ..
غصب ن على عين الارق ..
ارجوك الا .. الاغنيات

فيروو اسمع كل يوم ..
متروس احلام وهموم ..
دورت انا عني لوين ..
كل الملامح مختفين ..

بس ﻻ تغيبني علي ..
او لا تغيرني علي ..
في كتفك الايمن ملك ..
ودي اسجلني حضور ..
في دفتري او ..

دفترك ..
وش هو الفرق ..
دامك بعيد ..
وانا بعيد ..
مشتاقلك .. هذا الاكيد ..
مشتاقلك ..

خليفه الصائغ

الغطرسه

الغطرسه قبر الشعر واكفانه
يا صاحبي تكفى تسد بيبانه

جزل القوافي صح تجيب العزه
والبيت ما ياخذ على بنيانه

وضف لافكارك مضمر شاطر
بيضمر ابكارك على ميزانه

اول بن شطيط يرحمه الله
كان التواضع والكرم عنوانه

لانه عرف ان التغطرس نقمه
فازت جميع ابكاره و جعدانه

وبحر الشعر وافر جزيل فعاله
تتنومس الفكره وسط ميدانه

ولو كان ف العالم مميز جدا
والمرجله ذربه تبين فشانه

ما تاخذ ف بيض الفعايل يده
لو تطرق ابراج المجد اوزانه

فرعون قبله فالارض وتكبر
قصه ذكرها الله في قرانه

قم صلي الفرض القريبه ودعا
واطلب من الله الاحد غفرانه

امزج طباعك مع دماثة خلقك
دامك عماني والفخر عمدانه

لا تكون في يد الموسوس لعبه
مثل الدماء فيدينه الفنانه

صفيت ابياتي مصفي النيه
وسلسلتها شعرا مقفى بآنه

يا صاحبي اسمع وخلك واعي
الغطرسه بيت الفشل واحضانه

خليفة الصائغ

تفاصيل الضجر

ضاقت على نفسي (تفاصيل الضجر)
وتتنومس الافكار واحساسي سجين

 

 

صاير كذا حالي مثل ~~حال الشجر
اتنفس الكربون ،،، وازفر اكسجين

 

 

ودي اعيش فيوم بس ~ عيشة غجر
رحال وزرع في ~~فؤادك ضحكتين

 

 

ينبوع حب ف داخلي ~~والله انفجر
وتوشحت الاشعار ~~فيني ياسمين

 

 

هذا قلب مسكين من ~ شوقه زجر
يرفع مع صوته شعارك ~( حبتين )

 

 

لو كنتي في باريس ~ وﻻ ف المجر
يحبي شعوري مالعشق شوق وحنين

 

 

ﻻ تجرجري الاحساس خل غيرك يجر
ما دام احساسك ~ مفعل من سنين

 

 

شفني انا ،،، والسهر ،،،وصلاة الفجر
صرنا على صوت ~ الجفا متعودين

 

 

قلبي زجاج ،،،،،، ونظرة عيونك حجر
كلما نهض للحب ~~ قمتي تكسرين

 

 

بجلس على حالي ف(تفاصيل الضجر)
اتنفس الكربون ،،، وازفر اكسجين

 

 

خليفة الصائغ
ارشيف  2013

اقنعه

شديت محزم فكري الغالي وصال
هذا الفكر يا صاح من هو يسمعه

اللي رسم بعصاه خط ٍ فالرمال
على طروف الخط راسم افرعة

ويقول : هذا الحق .. والفرع انحلال
هذي سياسه مالرسول موقعه

هو وين  درب  الحق  يا عيال  الحلال
لو كان نعرف كان روّحنا معه

الدرب:مظلم والصعب:ما هو محال
مؤمن  باحكام القدر من منبعه

تتساقط الالقاب فـ حضور الرجال
اللي  لحاياهم  براقع واقنعه

ما باقي فــ مخ البشر الا الخيال 
وجه الحقيقه كل حدٍ يصفعه

البيّنه في ... ذا حرام ... وذا حلال
ما دام واضح ليش نبغى التوسعه !

من يزرع الاحقاد فــ عقول اليهَال
يحصد  نتائجهم  وجوه  مرقعه

يا مكثر دروب التزمت والضلال
صرنا م نعرف مين صادق نتبعه

وين المأذن ... وين حنجرتك بلال ؟!
اصدح أذون الفكر كلها مشمعه

الدين ؛ شجره وارفه ثمر وظﻻل   
من نالها يجني حياةٍ  ممتعه

كم يشبهك من حولنا يا " بو رغال "
عشان نفقه كل شي ٍ نسمعه

من  قصة  الخاتم  وحنـّا  فــ انفصال
وما كل فتنه تنتهي في معمعه

استذكرو يا ناس  من حكم المقال
من قبل ﻻ نحزم جميع الامتعه

انواع الرجوله

ما بين انواع الرجوله فروقات
مثل الفرق ما بين حر ونعامه

 

حد يرتقي فعالي سمانا مسافات
وحد يختبي داخل وكور اليمامه

 

يبقى ظلام اليل والصبح فترات
كل فترة ن تعني مراحل كلامه

 

يوم ن كتب الشعر في لوحة الذات
ما كنت قاصد غير اوضح علامه

 

بان الذي يلبس لباس المروات
ماهو شرط يبقى لسانه حسامه

 

ومن يعتلي عرش الحشم والكرمات
ما يعرف ان الكبر ما هو كرامه

 

ومن يستلذ فيوم طعم الخيانات
يصبر بما ان الخيانه حزامه

 

كم مال باني في المدائن عمارات
لانه البشر تبني عليه اهتمامه

 

المال والاولاد فالارض زينات
والمستفيد اللي تحسن ختامه

 

يامنتعل خف الغني والحسابات
خف الكعب احسن فيوم القيامه

 

زخرفت ابياتي بانقى العبارات
لين لبست جزل القيم في عمامه

 

القلب ما ناقص حروب ن وصدمات
وانا مذايق من سنين ابتسامه

 

الفلسفه وجه الفكر والحضارات
وكم فيلسوف ن نال فكر احترامه

 

حن العرب ما عندنا الالتزامات
نحرص على هزم الفكر والزعامه

 

نفخر بماضينا ونعيد الحكايات
بذكر العهود اللي عليها استقامه

 

نبني مع الاضداد اكبر علاقات
ومن بيننا تاهت معاني الشهامه

 

لو كانت اشعاري عليها اعتبارات
ما كنت قاصد غير اوضح علامه

 

مابين انواع الرجوله فروقات
مثل الفرق ما بين حر ونعامه

 

 

خليفه  الصائغ

2009

ماؤى ومساكن

يا خافقي بلغ علـي الأماكـــــــــن
وبلغ دواوين الشعــــــــر والثقافة

قله رميت الشعر لأنســـــى ولكن
فاضت بحور الشعــر عمت ضفافة

هيجت بحر الشوق من القلب ساكن
وذابت بساتين الحــــروف بللهافه

يا من تركت الصدر مأوى ومساكن
من بعدكم حلـــت عليه اللقافـة

كم واحدٍ في داخل القلـــــب ساكن
وكم واحدٍ شقت ضمــيره الحسافة

عندي الصدق وأما الأكاذيب راكـن
وما بين صدقي و العيــــاره مسافة

يبقى سواد العشـــق في العين داكن
وهذي رموش العين تشكـي الرفـافة

يا معذبات القلـــــب ما حد نهاكن!
مـ تشوفوا نفسـي تشتكـي هالنحـافة

كلها خيوط الحب معكن يُحــــاكن
ومن بقايا الحــــــــــب باقي الشفافة

بلغو علـــــي يا هيه كل من نخاكن
و نشرو خبر شعري فـ كل الصحافة

يا جملة الإحســـاس ما حد عطاكن
إن المحب مـ يريد حب الوصـــافة

يا كيف بنسى و خافقـــي ما نساكن
وسْمعت خلــــــي اليوم يعلن زفافه

ونيت بأعلى الصوت ما جاء نباكن
وش فيه بحر الشـــوق باين جفافه؟!

ومع شروق الشمـس عفت الأماكن
وهْنا نبض شعـــري وروته الثقافة

منسقتين

راعي المــزارع منسق تين
الرائد ترى راح ولــوى رد

بنات الهوى فـ الــــدنا ينات
وبنات سلكن فـ الــــــدنا ينه

ناس(ن) يقولو الــــدنا ينات
يا صاحب ما شفت الـدنا ينه

مخلي أنا خل مع خــــــــلك
وأدور فهـ القــــلب لوساعة

واقسم ترى الوقت مع خلك
وعطية من الوقت لو ساعة

ثوبك من الدرب لام ديرين
وسكر على الشاي لو ظايف

هينة ترى كبير لمـــــديرين
لي عنده كثأر لـــــــوظايف

يبغى فــــــــــؤادي منسقتين
حل صــادر القلب ولــوارد

الفلسفه

بيت الشعر اللي ضعيفه اسقفه
ما يسكنه ابداع واسقفته ضعاف

 

قل للمقاول في بناه يغلفه
عن لا يطيح البيت من رشة نفاف

 

ويبنيه من فكر وثقافه وفلسفه
ويهندسه من وعي وثيابه عفاف

 

كم شعر عانى من قوافي مسلفه 
شاعره ما ينزف سوى حروفن كفاف

 

مثل النخل واللي ما يعرف يخرفه
احسن يتركه وتصبح يدينه نظاف

 

يا معشر الشعار سمعو السالفه
بعض العرب سارو على حد الضفاف

 

لانه دخول العمق فعل يكلفه
وما يروي الاحساس وشعوره جفاف

 

الفلسفه شعر وموسيقى وعاطفه
طواشها ما جابها مجرد خطاف

 

مثل الجواهر في عقد متصففه
هيه عروس افكارنا وقت الزفاف

 

ولو جاتنا ابياتها متراجفه
اطلقتها وعطيتها مقفى وكتاف

 

هذي  القصيده جاتكم متفلسفه
ما همها يجيها مطر وﻻ نفاف    

 

 

خليفة الصائغ