يا ناصي البيدا ترى الصدر مرحاب
وارث من اطباع البداوه جمايل
ارحب ترى " خيام البدو " مالها باب
بتشم " بن الجود " صايل و جايل
وخير اللحايا شامخه بعز الانساب
ومن هو نصاها ما يدور بدايل
زميت شعر (ن) دون تزوير وإسهاب
من بكرة (ن) حمرا تجيب الاوايل
وقدحت لك بندق خيالي بنشاب
وحسيت عرق الراس مالقدح صايل
وتسمع فناجين القهاوي لك زهاب
من قبل لا توصل بيوت العوايل
تتقهوى ابياتي من دلاله إعجاب
وتزرع يسار الصدر جود و فضايل
للناس اطناب (ن) و للبيت اطناب
ومن مال طنبه يستوي البيت مايل
عرجت في بكره على كل مرقاب
وصافحت باشعاري خيار القبايل
اللي لها في كل مركاض محراب
وتكون مسكن للذلول الاصايل
هالبيت جذاب (ن) وللعز جذاب
ويلبس معزه من قبل عز " وايل "
بنن وهيل ونفحة احباب واصحاب
وصوت الربابه بين الاضلاع قايل؛
الخيمه عزه شوف عمدانها رقاب
و تزيد عزه مع غناء الذلايل
رمز البداوه يزيح من عينك ضباب
بالشيخ "زايد " شوف كيف الفعايل !
" بيت المعزه " بيت تنصيه الاغراب
من دون م يجيهم من الغير سايل
واطفالهم تعشق مراكيض لركاب
وتعرف تميز بين " عشرى و حايل "
وللبيت حشمه و حشمته دوم تنهاب
لي تصونها بالعز " بنت الحمايل "
ذي بكرة ابياتي تفحم بلا حساب
وترفي من إحساس البداوه خصايل
حتى زبدها من القلب صار صباب
في شف شمطان اللحي و الجمايل
دامك نصيت البيد فالصدر مرحاب
يلبس من اخلاق البداوه " يدايل "
خليفه الصائغ 2015
ليست هناك تعليقات:
إرسال تعليق