راح اعترف

( 1 )

#راح_اعترف ..
.
واكتب على صدري كلام ..
ينبش فقلب الذاكره ..
واسمع سواليف الحمام ..
في غرفة البيت القديمه ..
كاااااااااااااااااانت هناك ..
إيوه هناك .. جنب الدريشه جالسه ..
تنسل جدائل شعرها ..
في شعرها حلك الظلام ..
والصبح شع بوجها .. مثل الملاك ..
#راح_اعترف ..
شف قطن ابيض خدها ..
ويضحك معا ضحكاتها ..
في عينها حكي وهيام .. لا سلهمت اصبح شتات ..
مثل اوراق الخريف انتشر في كل مكان ..
او صيف يحرق داخلي عشب الغرام ..
شكرا لذلك #اعترف ..
(ان الغرام اما حطام ولا حياه )

( 2 )
#راح_اعترف
.
هو من زمان ..
مشتاق لاخبار الحواري ..
والصيد من متن الهواري ..
ثم ريحة العود المعتق ..
صوت مرزام ومطر ..

برزة الشياب ودلال ورطب ..
و سكه البوش ... وريحة خبز ..
ورملة الشاطي بعد لعب العصر ..
وريحة اوراق الورس
في مخدة طفل ..
من صناعة جدته ..

مشتااااااااااااااق ..
ارجع للوراء .. انسى حديث الذاكره ..
واحلق لحيتك يالزمن ..

كنا صغار ونفهم الدنيا عكس ..
انتي هنا ... وانا هنا ..
هذا كبرنا وصارت الدنيا ..
( فرااااااااااااااااااااااااااااق)

( 3 )
#راح_اعترف

مشتاااااااااقلك ..
كثر الفراق بداخلي ..
كثر الالم ...
كثر الجراح النازفه ...
كثر وكثر  ..

#راح_اعترف
بس.. ليت ايامي صباح ..
ما كان طير الشوق ناح ..
او طاح من غصني ورق ..
غصب ن على عين الارق ..
ارجوك الا .. الاغنيات

فيروو اسمع كل يوم ..
متروس احلام وهموم ..
دورت انا عني لوين ..
كل الملامح مختفين ..

بس ﻻ تغيبني علي ..
او لا تغيرني علي ..
في كتفك الايمن ملك ..
ودي اسجلني حضور ..
في دفتري او ..

دفترك ..
وش هو الفرق ..
دامك بعيد ..
وانا بعيد ..
مشتاقلك .. هذا الاكيد ..
مشتاقلك ..

خليفه الصائغ