شديت محزم فكري الغالي وصال
هذا الفكر يا صاح من هو يسمعه
اللي رسم بعصاه خط ٍ فالرمال
على طروف الخط راسم افرعة
ويقول : هذا الحق .. والفرع انحلال
هذي سياسه مالرسول موقعه
هو وين درب الحق يا عيال الحلال
لو كان نعرف كان روّحنا معه
الدرب:مظلم والصعب:ما هو محال
مؤمن باحكام القدر من منبعه
تتساقط الالقاب فـ حضور الرجال
اللي لحاياهم براقع واقنعه
ما باقي فــ مخ البشر الا الخيال
وجه الحقيقه كل حدٍ يصفعه
البيّنه في ... ذا حرام ... وذا حلال
ما دام واضح ليش نبغى التوسعه !
من يزرع الاحقاد فــ عقول اليهَال
يحصد نتائجهم وجوه مرقعه
يا مكثر دروب التزمت والضلال
صرنا م نعرف مين صادق نتبعه
وين المأذن ... وين حنجرتك بلال ؟!
اصدح أذون الفكر كلها مشمعه
الدين ؛ شجره وارفه ثمر وظﻻل
من نالها يجني حياةٍ ممتعه
كم يشبهك من حولنا يا " بو رغال "
عشان نفقه كل شي ٍ نسمعه
من قصة الخاتم وحنـّا فــ انفصال
وما كل فتنه تنتهي في معمعه
استذكرو يا ناس من حكم المقال
من قبل ﻻ نحزم جميع الامتعه
ليست هناك تعليقات:
إرسال تعليق