على طاري " خذينا ، ماعطينا "
تقل كنا نسينا ما خذينا
ياطفله مدهنه بعطر " الزبادي "
وترمينا .. ومن ثما .. تجينا
(وانزف لك مشاعر من حنيني
قرارك كان ماهو في يدينك )
يا دمع الحب .. يالدهن المتعق
يا ريحة ماضيا منا وفينا
مدامعنا .. تودعنا .. بحسره
وترسناها .. بايدينا .. لجينا
( وﻻ تاخذ ولو اني سجيني
قرارك كان ماهو في يدينك )
نعنونها .. باحساس المحبه
نبادلها .. بمعاني .. خالصينا
تقربنا بخطوه ذي .. سفينه !
ولكنها حسافها دون ... مينا
( ﻻنه فالحقيقه ما تبيني
قرارك كان ماهو في يدينك)
ينار الوجد ﻻ تزيدي فراقي
م باقي فينا كل شي ما يبينا
ملانا الحب حتي ضاق منا
وصدر الشوق نملؤه حنينا
(وادورني انا ياحب ويني
قرارك كان ماهو في يدينك)
نزيف القلب بنبض من حنانه
معطر لك برئحة ياسمينا
شموع الود ذابت وينك إنتي ؟
ياربي شوف وضع العاشقينا
( وعينك ما تطالع فوق عيني
قرارك كان ماهو في يدينك )
شربنا الخمر من عينك سكرنا
واجرمنا .. ف حق ..الغافلينا
وإن جاءت .. مشاعرنا اليكم
رجينكم ........ وكنا اسفينا
( وانا كنت اتمنى لو تجيني
قرارك كان ماهو في يدينك)
عطينا او خذينا كل واحد
وقلبك شاحبا وجهه حزينا
خناجرنا .. فاظهرنا ..ركزنا
ركزناها .. وكنا .. الخاسرينا
(وكنتي كل مره تحتريني
قرارك كان ماهو في يدينك )
ذبحنا إحساسنا ذبح العواذل
وكنا نحسبه .. حبا .. دفينا
م دام ان المصالح في مصالح
قصدنا البحر .. وغسلنا يدينا
( اضن انك عزمتي تحرميني
قرارك كان ماهو في يدينك)
وآنا بختم كلامي بكلمه وحده
بفم مليان سمعيها " انتهينا "
وآنا بختم كلامي بكلمه وحده
بفم مليان سمعيها " انتهينا "
(وﻻ تضني باني بك حزيني
قرارك كان ماهو في يدينك )
خليفه الصائغ 2015
ليست هناك تعليقات:
إرسال تعليق