الغطرسه قبر الشعر واكفانه
يا صاحبي تكفى تسد بيبانه
جزل القوافي صح تجيب العزه
والبيت ما ياخذ على بنيانه
وضف لافكارك مضمر شاطر
بيضمر ابكارك على ميزانه
اول بن شطيط يرحمه الله
كان التواضع والكرم عنوانه
لانه عرف ان التغطرس نقمه
فازت جميع ابكاره و جعدانه
وبحر الشعر وافر جزيل فعاله
تتنومس الفكره وسط ميدانه
ولو كان ف العالم مميز جدا
والمرجله ذربه تبين فشانه
ما تاخذ ف بيض الفعايل يده
لو تطرق ابراج المجد اوزانه
فرعون قبله فالارض وتكبر
قصه ذكرها الله في قرانه
قم صلي الفرض القريبه ودعا
واطلب من الله الاحد غفرانه
امزج طباعك مع دماثة خلقك
دامك عماني والفخر عمدانه
لا تكون في يد الموسوس لعبه
مثل الدماء فيدينه الفنانه
صفيت ابياتي مصفي النيه
وسلسلتها شعرا مقفى بآنه
يا صاحبي اسمع وخلك واعي
الغطرسه بيت الفشل واحضانه
خليفة الصائغ
ليست هناك تعليقات:
إرسال تعليق